Ramadhaan Darus 13 – 22 Juillet 2013 - CMA Maurice | Communauté Musulmane Ahmadiyya de l'Île Maurice

Dars pour Lundi 22 Juillet 2013

Nous pe aborde ça semaine la par la Grace Allah la moitié de Ramadhan et quand semaine la fini nous pour presque deux tiers de Ramadhan. C’est banne jours cotte nous bisin encore plis faire doahs. C’est pourquoi nous fine choisir ene Khutbah de Khalifat Ul Massih Rabbe Rahemoulla ho Talla cotte li pe cause lors ça sujet de doahs la. En meme temps nous faire ene appel pressant a tout banne membres pour continuer vine Masjid et tire maximum profit de ça mois de Ramadhan la. Quand guette ene coup présence dans Masjid déjà nous constater qui li pas pareil coumma li ti été au commencement. Nous esperer qui tout banne membres redouble efforts pour ça banne jours qui rester la et même après.

Dans ça Khutbah la, Aprés Sura Fatiha Huzoor fine reçite verset 78 de Ch 25 Sura Al Furqan . So traduction li comme suit: Allah dire « Dire a banne mécréants si pas ti ena mo la prière a Allah, be mo seigneur pas ti pour prend aucun conte de zotte. Mais maintenant qui zotte fine rejette so message, be so punition pour certainement attacher are zotte» Ensuite Huzoor dire qui ça c’est le verset de Quran qui fine montrer a H.Massih Mawood (as) dans rêve en détails et fine enseigne li signification de ça verset la. Dans ça contex la H.Massih Mawood (as) écrire qui en fait vrai objectif de création de banne humain, c’est pour adoration Allah.

Mais si maintenant zotte change zotte nature et fier seulement lors banne les autres moyens et banne relation exterieur, be Allah aussi pas prend zotte conte, c’est vers ça même qui ça verset de Quran la pe réfferer. Ene fois avant aussi mo ti dire qui ene fois dans ene rêve mo fine trouver qui mo pe deboute dans ene la foret. La dans ti ena ene grand canale en laterrale Est Ouest. Lors ça canale la ti ena banne moutouns qui au sol et lors li cou de chaque moutoun ti ena ene boucher avec so couteau prés a trancher.

Banne boucher la fine tourne zotte visage vers le ciel. Moi mo pe alle vers zotte et quand mo fine guette ça image la mo fine penser qui zotte pe attanne ene ordre du ciel. Lers la mo fine lire ça verset la Koul ma yabaobekoum Rabbi Laula doakoum. Lers zotte fine tanne ça be banne boucher la fine lance zotte couteau et fine trancher et fine dire a banne moutoun la qui aprés zotte qui zotte été? Zotte finalement banne moutoun qui mange de malpropreté même. Donc Allah li prend conte la vie de banne Muttakis. Banne dimounes pieux. Et li prend conte so l’avenir. Mais celui qui alle a l’encontre de so plaisir, be li pas prend li conte et li mette li dans l’enfer.

C’est pourquoi li neçessaire qui chaque dimoune li libére so propre être de esclavage de satan. Pareil coumma chloroforme faire ene dimoune dormi, coumme ça même Satan li pése lors ene dimoune li faire pression et li faire banne dimounes dormi ene sommeil négligence et la dans même li détruire zotte. Pareil coumma ça verset la laisse parraitre, mo fine faire le sujet d’aujourdhui doahs. Avant ça beaucoup des fois mo fine cause et commente lors banne doahs qui ena dans Quran. Maintenant mo pour mette devant ou banne doahs de H. Mohammad (saw) , quoique qui ena aussi banne réfference de Quran dans ça banne doahs la mais ça c’est banne doahs qui li ti faire pour li même.

Dans Bukhari Kitab Ul Imaan, H.Abu Huraira r.a rapporter qui H. Mohammad (saw) fine dire qui ena deux paroles qui bien léger lors la langue mais en ce qu’il s’agit de poids zotte ena banne bel poids et Allah bien content ça. Qui été ça banne paroles la? Soubhanallahé Wabehamdehi Soubhanalla il Azim. Ça c’est ene verset de Quran oui, mais H. Mohammad (saw) pe dire qui si nous lire ça doahs la et li ti le principe An Hazour s.a.w pour li lire ça doahs la dans Namaz Tahajud. En résultat de ça, Allah accepter banne les autres doahs aussi.

H. Aqdas Massih Mawood (as) aussi ti montrer li ça doahs la dans rêve. Et ensemble avec ça fine dire li ajoute ça aussi, c’est a dire Soubhanalla Wabehamdehi Soubhanalla il Azim Allahoumma Sallé Alla Mohammadeen Waalé Mohammadeen. Lers la ça doahs la vine ene doahs compléte. Donc H.Massih Mawood (as) ti pe lire ça regulièrement.

H.Abu Musa Al Ashari r.a rapporter qui H. Mohammad (saw) fine dire moi, qui est ce qui mo pas dire toi ene paroles parmi banne trésors de Jana’at? Mo fine dire, Oui, oh prophéte d’Allah dire, a ce moment la li fine dire ça trésors la, c’est la Haula Walla Kuatta illa billa.

Avant terminer pour l’information de banne membres nous passe ceci.

Extraits de Fiqahi Massail.

Programme no 6.

Question: A cause quelques problémes ena banne dimounes faire zotte Namaz lors chaise. Ena qui commence zotte Namaz deboute zotte faire Ruku aussi mais quand bizin alle dans sajda zotte re-assize lors chaise. Dans ça situation la zotte épaule pas joinne est-ce-qui li Ok?

Reponse de Mokarram Mobashar Ahmad Kahlon Saheb: Mufti e Sisila. Nommer par Huzoor.

Lors ça affaire de faire Saff droite la, H.Mohammad saw fine faire grand exhortation. Dans Bukhari H Mohammad saw fine dire garde ou saff droite, sinon Allah pour crèer dèsaccords entre ou.

Dans Hadith Muslim mentionner qui Rassool Paak saw fine dire garde ou saff droite parce qui ça c’est ene affaire qui forme partie dans completion Namaz.

Et li pas ene affaire cotte seulement Rassool-e-saw fine conseille banne sahabas, mais li fine aussi pratiquement surveille ça affaire la.

Ene Sahaba H Noman bin Bashir ra rapporter qui H.Rassool Paak saw ti pe dresse nous Saff dans ene tel façon qui li ti parraitre qui a travers ça dressement de banne saff la, coumma dire li ti pe dresse banne fléches.

Maintenant quand ça affaire de faire Saff la fine dresser et banne la fine bien comprend, be lers la li fine arêtte surveiller, mais ene jour quand li finne deboute pour commence le Namaz et li ti sur le point pour faire le Premier Takbeer, Takbeer e Tahrima, be so regard fine alle lors ene tel dimoune qui so l’estomac ti en dehors saff. Quand li fine trouve ça li fine dire Oh serviteur d’Allah, ou pour bizin certainement garde ou Saff droite sinon Allah pour crèer désaccords entre ou.

Ene lotte Sahaba H. Aba Masood ra dire qui Rassool Paak saw ti pe pose so la main lors nous épaule pour dresse banne Saff. Et li dire faire saff droite et pas reste divant derriere, sinon pour ena divisions rempli dans ou le coeur. Donc garde saff droite ena grand l’importance. Pour nous relation mutuel aussi et pour courber devant Allah comme ene unité parfaite.

Donc banne tel dimounes qui soit a cause zotte viellesse ou soit a cause zotte maladie, zotte obliger prend chaise pour faire zotte Namaz, zotte pas bizin faire coumme ça qui quand les autres pe deboute dans saff be zotte zotte ene tigitte en avant pe deboute devant zotte chaises, si li comme ça alors zotte pour au moins ene pied devant banne les autres.

A ce moment la li pour ene désobeissance du St Prophéte saw qui fine dire garde zotte saff droite. Et si zotte recule chaise la derriere et deboute ensemble avec les autres, be ou saff pour vine droite oui mais pour banne qui dans saff par derriere ou la, zotte l’attention pour gater parce qui pour ena ene chaise devant zotte.

Donc zotte bizin soit prend zotte chaises alle lors dernier saff afin qui chaque chaque fois zotte pas bizin bouge bouge zotte chaises et detourne attention de banne les autres Namazi ou soi ce qui zotte bisin faire c’est qui zotte bizin reste assizer lors chaise même. Pas bizin parfois deboute parfois asizer parfois bouge chaise avant parfois reculer et ça detourne l’attention de banne qui a coter ou aussi et lers la ou vine la cause qui saff la vine travers.

Donc nous faire ene requete a banne tel dimounes meme pour banne madames aussi pour pas faire saff travers et ni zotte bizin deboute devant banne les autres dans saff.

Full reponse de programme 6 de Fiqahi Masail.

Dars de Mardi 23 Juillet 2013.

Nous pe continuer Dars lors le sujet de doahs en reference avec ene khutbah de H.Khalifat Ul Masih Raabe Rahemoullah Ho Talla qui ti faire le 21 Avril 2000.

H. Sahal bin Haushab r.a rapporter qui mo fine demande H.Ummé Salma R.Anha qui Oh mama de banne croyants ,quand An Hazour s.a.w ti cotte ou, be qui doahs li ti pe faire plis? H.Ummé Salma r.Anha fine dire qui li ti pe faire ça doahs la Ya Mokallebal Koloubbé sabbit Kalbi Alla deené Oh celui qui tourne banne le coeurs, garde mo le coeur ferme lors to la Religion. Ummé Salma r.Anha dire mo fine demande An Hazour s.a.w le pourquoi de ça doahs la?. A ce moment la, li fine réponne qui Oh Ummé Salma, le coeur de banne dimounes li entre deux le doigts d’Allah. Celui qui li envie garde so pas ferme li garde li. Et celui qui li pas envie garde so le coeur ferme, be li détourne so le coeur. Donc, pour H.Aqdas Mohammad s.a.w, cotte pour li ,li pas ti question même qui so le coeur détourner, malgré ça li ti pe faire doah avec Allah avec humilité, qui si mo le coeur reste ferme be li pour reste ferme avec to volonté. Tant qui to content be mo le coeur pour reste ferme et droite, mais quand to pour détourne to l’attention de moi, be lers la ça le coeur la pour nepli reste ferme. C’est pourquoi, banne dimounes comment nous, la masse en générale, banne qui ena des milliers de l’occasion cotte nous le coeur capave détourner be nous bisin faire ça doahs la pour nous avec beaucoup de regularité.

Encore ene Hadith, H.Aisha r.a rapporter qui H.Mohammad (saw) ti habituer faire ça doah la, qui Oh Allah pareil comment to fine faire mo visage bien et joli, pareil coumme ça même faire mo banne morales et mo banne manières vine joli.

Dans ene Hadith, H.Zaid Bin Arkam r.a rapporter qui H.Mohammad (saw) ti habituer faire ça doah la, Oh mo Allah mo cherche refuge aupres de toi, contre ene tel connaissance qui pas profitable, contre ene tel le coeur cotte pena to frayeur, contre ene tel l’ame qui pas contente li de ce qui li ena qui pas satisfaire li avec ce qui li ena et contre banne doahs qui pas accepter.

Ena ene lotte doahs trés significatif de Riyyaz us Swalehine, H.Ibné Masood r.a rapporter qui H.Mohammad (saw) ti habituer faire ça doah la, Allahumma Inni Assaloka Mujebaaté Rahmateka Wa Azaaéna Makhfératéka Wassalamata Min Kullé Ismiwn Wal Ghanimata Min Kullé Birrim Wal Fawza Bil Jannaté Wannajaata Minannaar. H.Ibné Masood r.a rapporter qui parmi banne doahs de H.Mohammad (saw) ti ena ça doah la, qui Oh Allah mo depanne lors to Rahmat mo attanne to pardon et mo demande toi épargne moi de chaque peché et faire moi participe dans chaque neki et faire moi vine heritier de Janaat et épargne moi de l’enfer. De Muslim Kitaab-Ul-Zikr, Farwa Bin Nawfal rapporter qui li fine demande a H.Aisha r.a qui doah H.Mohammad (saw) ti pe demande a Allah? Lors la li fine dire qui H.Mohammad (saw) ti habituer faire ça doah la, qui Oh Allah mo cherche refuge avec toi contre ça mauvais de banne action qui mo fine comette la. Et aussi contre le mal de banne action qui mo pas fine comette. En fait jamais pas ti ena aucun mauvais dans aucun banne actions de H.Mohammad (saw) et ni ti pour ena aussi aprés . Mais la dans ena ene conseil pour nous tout la dans, qui banne qui banne actions qui nous fine fini comette be nous bisin cherche protection d’Allah contre résultat de ça banne actions la. Mais banne actions qui nous pas encore faire aussi, la aussi nous bisin cherche refuge avec Allah contre banne le mal de ça banne actions la et contre resultat de ça banne actions la.

De Muslim Kitaab-ul-Zikr, H.Abdullah r.a rapporter qui H.Mohammad (saw) ti habituer faire ça doah la, Oh Allah mo cherche guide avec toi,et mo cherche aupres de toi la crainte d’Allah, et la pureté et le pardon.

De Muslim Kitaab-Ul-Zikr, H.Ibné Abbas r.a rapporter qui H.Mohammad (saw) ti habituer faire ça doah la, qui Oh Allah mo obéir toi, et mo améne Imaan lors toi, et mo ena confiance lors toi et mo courber devant toi, et avec to l’aide même qui mo affronte banne ennemis. Oh mo Allah mo cherche refuge avec toi, pena personne pour adorer a part toi, sauve moi de égarement, toi to vivant et jamais to pas pour mort et tout les autres a part toi fine decretter qui zotte pour fini zotte pour mort.

Dars de Mercredi 24 Juillet 2013.

Toujours lors le sujet de doahs en reference avec le Khutbah de H.Khalifat Ul Massih raabe rahemoulla Ho Talla de 21 Avril 2000. Aujourdhui c’est so 3eme partie.

De Riyyaz Us Swalehinne Kitaab-U-Davaat, H.Ibné Abbas rapporter qui H.Mohammad (saw) ti habituer faire ça doah la, qui Oh Allah mo fine confier mo être a toi, et mo améne Imaan lors toi, et mo faire confiance et mo ena espoir lors toi seulement,et mo courber vers toi, et mo la guerre pour to cause. C’est a dire mo pas la guerre pour moi, mais pour to cause qui mo la guerre, et mo vine vers to même pour ene décision, donc pardonne-moi de mo banne erreurs qui mo fine faire, et ce qui mo pour capave faire aprés, et banne erreurs qui mo cachiette et banne erreurs qui mo fine montrer ouvertement.Pena personne pour adorer a part toi. Certain banne rapporteurs fine mette ça a la fin La Hawla Wala Kuwata Illa Billa, pena aucun la force aucun frayeur sans l’ordre d’Allah.

Ene Hadith rapporter par Zaid Bin Arakam r.a dans Muslim Kitaab-Ul-Zikr, li rapporter qui mo pe seulement dire toi banne affaires qui H.Mohammad (saw) ti pe habituer dire. Li ti pe faire ça doahs la qui Oh Allah mo cherche to refuge contre l’incapacité et contre la paresse et contre lacheté et contre la faiblesse et contre avarisme et contre la viellesse et contre punitions de Kabar. Donc bisin cherche protection contre ene tel viellesse cotte ene dimoune vine faible pareil coumma banne ti enfants et vine inservable.C’est a dire vine coumma banne tel enfants qui depanne lors support des autres. Oh Allah donne Takwa a mo propre être et donne moi analyse et purification de mo propre être. Parcequi toi to meilleur qui tout dans analyse et purification de soi. En fait dans Quran ena ene mot servi pour H. Mohammad (saw) qui li ti ene Mozakki c’est a dire li ti pe faire analyse et purification. Mais li ti pe cherche ça analyse la d’Allah lers la qui li ti capave faire banne analyse. La dans ena ene conseil pour chacun c’est qui ou pas pour capave faire analyse et purification de ou propre être aussi longtemps qui ou pas cherche ça pouvoir d’analyse la d’Allah. Ensuite li dire to même est le maitre et le Walli. Oh Allah mo cherche to protection contre ene tel connaissance qui pas profitable. Et contre ene tel le coeur cotte pena frayeur d’Allah. et contre ene tel Nafs qui jamais so soif pas passer. Jamais li pas contente li.Et contre ene tel doahs qui pas accepter.

Dans Bukhari Kitab Dawat H. Abdullah Bin Umar r.a rapporter qui H. Mohammad (saw) ti pe habituer faire ça doahs la. Qui pena personne digne d’être adorer a part Allah. li ene li pena partenaire ,c’est a li même qui appartenir tout royaume et tout éloge est pour li et li ena pouvoir lors tout. Nous ena pour retourner cotte nous seigneur. Et c’est a li même qui nous demande pardon. Nous faire so ebadat et nous faire so louanges. Allah fine accompli so promesse fine montrer et li fine aide so serviteurs. Et c’est lui seul qui fine vaincre tout ça banne l’armée la. En fait dans banne bataille cotte ti ena aussi H. Mohammad (saw) et so banne compagnons d’aprés H. Mohammad (saw) li même coumma dire zotte zotte pas ti exsiter même c’est Allah qui ti pe combatte banne ennemis. C’est Allah même qui ti pe donne zotte courage et la force avec laquelle zotte ti pe vaincre banne ennemis. Donc guette ici H. Mohammad (saw) pas pe dire qui nous ti avec toi nous ti pe combatte banne ennemis mais li pe dire c’est toi seul qui fine combatte et fine vaincre banne ennemis.

Dans Muslim Kitab Ul Zikr H.Abu Huraira r.a rapporter qui H. Mohammad (saw) ti pe habituer faire ça doahs la Qui Oh Allah dresse mo la Religion pour moi. Parcequi dans tout mo banne affaires c’est toi mo guide. Et dresse mo le monde aussi pour moi. Ene le monde qui est ene place cotte mo passe mo la vie. Et dresse mo akherat pour moi qui est ene place cotte mo bisin retourner. Et faire la vie vine ene affaires cotte mo augmenter dans banne biens et faire la mort vine ene affaire qui sappe moi avec tout banne mal. Huzoor dire malheureux est banne dimounes qui a l’heure de zotte la mort zotte dans ene tel situation cotte coumma dire pe rappel zotte pour zotte guette zotte banne mauvais. Mais H. Mohammad (saw) li li pe dire qui faire de sorte qui mo rentre a travers la porte de la mort en paix et en biens.

Dars de Jeudi 25 Juillet 2013.

Toujours le khutbah de 21 Avril 2000. Aujourdhui c’est so 4eme partie.

Moammar rapporter de so papa qui li fine tanne Annas bin Malik r.a rapporter qui H. Mohammad (saw) ti pe habituer faire ça doahs oh mo Allah mo cherche refuge aupres de toi contre la faiblesse et contre la paresse et contre avarisme lacheté et contre la viellesse. Contre la faiblesse la veut dire qui attention qui mo faire des efforts et mo pas gagne banne fruits des mo efforts.Et contre la paresse. En fait la majorité de banne dimounes zotte alle detruire a cause de la paresse. Zotte reste la cage zotte assiser et zotte casse casse la corde de banne charpai de banne lili et zotte pas faire aucun travail. Be contre ça aussi bisin cherche protection d’Allah. Cotte la situation demande la bravoure la bas bisin montrer la bravoure. Mais dans l’occasion de la frayeur la li seulement dans ça sense la qui ene dimoune li reste éloigner de ene affaire juste pour pas comette le mal. ça pas apelle ça capon. Donc H. Mohammad (saw) ti pe rode protection de la lacheté dans le vrai sense du mot. Ensuite contre l’avarisme et ça c’est ene affaire qui pas ti ena même dans so nature ça. Et contre la viellesse. En fait li ti gagne ene la vie bien bien active. Et li pas fine quitte ça le monde la tant qui li pas fine complete so travail. Allah fine rappel li quand li ti fine termine tout so banne travail.Quand chaque moment de so la vie ti fini vine pour Allah et pour l’humanité c’est a ce moment la qui Allah fine rappel li.Ensuite H. Mohammad (saw) dire qui mo cherche to protection contre punitions de kabar. De Tombeau. Et mo cherche to protection contre banne tourments contre banne fitna de la vie et de la mort.

Dans Bukhari H.Ayesha r.a li rapporter qui H. Mohammad (saw) ti pe habituer faire ça doahs la qui Oh Allah mo cherche to protection contre la faiblesse contre paresse et la viellesse contre pechés et contre banne tourments et punitions de Kabar et contre tourments et punitions de di feu et contre tourments de la richesse et contre tourments de la pauvreté. Cotte la richesse aussi vine ene source de desordre be la bas la misère aussi vine ene source de désordres. Pareil coumma H. Mohammad (saw) fine dire qui la faim et la pauvreté fine vine ene sourçe de banne grand grand désordres dans le monde. H. Mohammad (saw) ti pe demande protection contre fitna de la richesse aussi mais contre fitna de la pauvreté aussi. Et contre fitna de Dajjal qui est en fait ça l’époque actuel la. Et fitna de Dajjal la c’est en fait fitna de la richesse et de la pauvreté. Banne capitaliste qui sont banne bien riches zotte fine faillitte a cause fitna de zotte richesse et banne pays de L’Est banne communiste aussi zotte fine faillitte a cause fitna de zotte pauvreté. Tout les deux sont des fitna et tout les deux zotte banne fitna de Dajaal même. Banne paroles de Huzoor e Akram s.a.w ti ena bel poids. So banne different partie de doahs zotte lier ensemble. Et quand ou reflechi ou trouver qui H. Mohammad (saw) ti tellement éloquent et clairvoyant qui li ti pe demande doahs avec banne bel éloquence. Donc li fine dire mo cherche to protection contre fitna de la richesse et de la pauverté et contre fitna de Dajaal. Oh mo Allah lave mo banne manquements mo banne erreurs avec de l’eau de la neige et de glacier et faire mo le coeur vine pure de tout manquements faire li vine propre pareil coumma linge propre qui fine netoyyer.Ensuite crèer ene tel distance entre moi et mo banne erreurs pareil coumma to fine créer distance entre l’Est et L’Ouest. En fait qui veut dire netoyyer avec de l’eau de la glace. En fait de l’eau pli pure c’est de l’eau en forme de neige en forme de glacier. Banne éclair touye toutes sortes de impureté de ça de l’eau la. Et c’est ça même de l’eau qui pure et qui çapave purifier. Donc H. Mohammad (saw) quoique qui apparament li pas ti ena connaissance de la science mais li ti pe cause avec la langue d’Allah et c’est banne tel paroles qui pe devoile dans ene façon extraordinaire banne secrets de la science. Sinon li ti capave necque dire lave li avec de l’eau propre. Mais de l’eau propre est ene lotte et de l’eau pure descendant du ciel li tout a fait ene lotte.

Dans Bukhari Kitab Ul Dawaat Abi Musa Al Ashari r.a rapporter qui H. Mohammad (saw) ti pe habituer faire ça doahs la qui Oh Allah pardonne moi mo banne erreurs mo banne oubli et mo banne faiblesse dans banne affaires te concernant. Et aussi dans chaque chose qui to pli conner qui moi. Oh Allah pardonne aussi banne affaires resultant de mo plaisanterie et de mo serieux et banne affaires qui arriver suivant mo erreurs ça aussi pardonner. Et ena tout present dans moi. En fait li veut dire qui mo capave oublier aussi et mo cause serieux aussi et mo cause avec plaisirs aussi avec banne enfants banne paroles qui faire zotte comprend et qui faire zotte raisonner. Donc tout ça la present dans moi. Serieux aussi badinage aussi alors pardonne moi dans tout ça banne affaires la. Protége moi contre zotte banne mauvais actions. Mauvais resultat.

Ensuite dans Tirmidhi Kitab Ud Dawat H.Abu Darda r.a rapporter qui H. Mohammad (saw) fine dire qui parmi banne doahs de H.Dawood a.s ti ena aussi ça doahs la Oh Allah mo demande toi to l’amour. Mo demande toi l’amour de banne qui to content oh Allah mo demande toi banne tel actions a travers lequelles mo capave gagne to l’amour. Oh Allah faire de sorte qui to l’amour vine pli chère a moi qui mo la vie qui mo famille et plis qui de l’eau fraiche. Ça c’est banne tel doahs qui chaque dimoune avec facilité çapave memoriser c’est a dire memoriser dans banne paroles même qui H. Mohammad (saw) ti pe faire li. Et ça c’est ene doah vraiment extraordinaire. So banne mots li comme suit Inni Assaloka Houbbakka wa Houbamayn yoHibboka Wal Amallallazi Yuballeghuni Hubbaka Wajal Hubbaka AHabba Elaya Min Nafsi Wa Ahli Waminan Baail Barédé. H.Mohammad (saw) ti pe habituer demande ça doah la dans ene l’état de inquietude, quand li pas ti dans tranquilité, li ti ena quique tracas. D’aprés récit de H.Annas Bin Malik r.a, n’importe quand H.Mohammad (saw) ti ena quique tracas, li ti pe faire ça doah la, Yahayyo Yakayyum Bérahmatéka Nastagheez. Oh Hayyo Kayoum Allah, mo cherche to la grâce. C’est ene doah qui H.Massih Mawood (as) aussi fine demander tout le temps et li fine mette beaucoup l’emphase lors la, et chaque chaque fois li fine conseille a so jamaat pour faire ça doah la, Yahayyo Yakayyum Bérahmatéka Nastagheez.

Dars de Vendredi 25 Juillet 2013.

C’est 5eme et denier partie de Khutbah de H.Khalifat Ul Massih raabe rahemoulla Ho Taalla qui li ti faire le 21 Avril 2000. Sujet Doahs.

De Bukhari Kitaab-Ut-Dawaat, H.Ibné Abbas r.a rapporter qui quand H.Mohammad (saw) ti dans problèmes, li ti pe faire ça doah la, pena personne d’autre pour adorer a part Allah, li sage et grand, pena personne pour adorer a part Allah, li le maitre de la terre et le ciel.

Maintenant içi ou besoin comprend ça affaire la, qui dans banne différent situations, H.Mohammad (saw) so banne doahs li différents alors qui le sujet li le même, c.a.d quand li ti dans tracas, d’aprés certains sahabas li ti pe demande tel doah, d’aprés banne les autres sahabs li ti pe demande ene lotte doah, alors qui la situation de tracas, li ti le même, mais banne doahs la fine changer. Ene raison possible pour ça capave qui so banne doahs ti pe changer quand banne tracas la ti différent, tout tracas li pena même source, tout qualité tracas ti ena, tracas de banne dimounes, tracas pour nous l’époque, tracas pour banne mauvais zaffaires qui pour ena jusqu’au jour du jugement. Donc, n’importe qui doah H.Mohammad (saw) ti pe faire pour éloigne so banne tracas, li ti pe faire ça banne doahs la d’aprés banne situations la.

H.IbnéAbbas r.a rapporter quand H.Mohammad (saw) ti ena ene grand tracas, li ti pe dire Pena personne pour adorer a part Allah, li trés grand et fort pena personne pour adorer apart Allah, li le maitre de tout pena personne pour adorer apart Allah, li le maitre de le ciel et la terre, li le maitre de banne généreux, lers la li ti pe faire doah.

Quand li ti ena l’intention pour faire quique travail, d’aprés Abu Bakar Siddique r.a, li rapporter qui n’importe quand H.Mohammad (saw) ti ena l’intention pour faire ene travail important, li ti pe faire ça doah la, Allahumma fhirli Wakhtarli, Oh Allah mette bénédiction dans ça travail qui mo pe alle faire la et choisir li pour moi.

De Abu Dawood Kitaab Ul Adab, H.Ummé Salma r.a rapporter qui quand H.Mohammad (saw) ti pe sorti de so la cage li ti pe faire ça doah la, Mo commencer avec le nom d’Allah, et mo garde confiance lors Allah, Oh Allah mo demande aide avec toi pour qui mo pas égarer, et mo demande aide avec toi pour personne pas faire moi égarer, c.a.d mo égarer par mo même ou par quelqun, mo demande aide avec toi mo qui mo pas glisser et pour qui personne pas faire moi glisser, qui mo faire quique erreur par mo même ou bien quelqu’un incite moi pour faire quique erreur. Mo demande aide avec toi pour qui mo pas vine dominère et aussi personne pas faire dominère avec moi, et mo demande aide avec toi pour qui mo cause avec quelqu’un avec ignorance et mo faire quique injustice lors li, ou bien mo subir quique injustice moi.

De Tirmizi Kitaab-Ut-Dawaat, Abu Amama r.a rapporter qui H.Mohammad (saw) ti faire beaucoup banne doahs mais mo pas fine rapelle nanrien.

Huzoor dire qui ça banne doahs de H.Mohammad (saw), quelques un mo pe mette devant ou, mais H.Mohammad (saw) entier so banne la nuite ti pe passe dans doahs. Quand so li yeux ti ouvert, li ti pe faire doah, quand li ti dormi li ti pe faire doahs, quand li ti lever li ti pe faire doahs, quand li ti pe assiser li ti pe faire doahs. Donc qui çanne la qui capave rapelle tous banne doahs de H.Mohammad (saw), mais H.Mohammad (saw) même fine donne ene solution pour ça et li fine dire banne trés joli paroles.

Abu Amama rapporter qui H.Mohammad (saw) fine faire beaucoup banne doahs mais mo pas fine rapelle nanrien. Li fine dire Oh St Prophète s.a.w, tout ça doahs, qui çanne la qui pour capave rapelle ça banne doahs la tout le temps. Donc Abu Amama fine dire ça ouvertement, H.Mohammad (saw) fine réponne qui est-ce qui mo dire ou ene tel paroles qui englobe tous ça doahs la, banne doahs qui mo fine faire la, mette tous ensemble faire ene seul doah. Li fine dire oui St.Prophète. lers la li fine dire Oh Allah, mo pe cherche tous ça banne bon zaffaires qui to nabi H.Mohammad (saw) fine chercher avec toi, et mo demande refuge avec toi contre tous banne mauvais qui to nabi H.Mohammad (saw) fine demande refuge. C’est to même le seul être avec qui capave demande aide et c’est avec to meme qui nous bisin adresse nous banne demandes, et pour gagne bénédictions et échapper du mal., pena aucun lotte plus grand la force qui toi.

Dars de Samedi 27 Juillet 2013.

Maintenant mo mette quelques banne extraits de H.Massih Mawood (as) devant ou concernant banne doahs de H.Mohammad (saw). Banne doahs qui H.Massih Mawood (as) , fine faire, ça banne doahs la aussi li autant meme extraordinaire pareil comment banne doahs de H.Mohammad (saw), et pour rapelle tous ça banne doah la li pas possible. Donc, ça même doahs besoin faire,Oh Allah pareil comment to serviteur Ghulam Ahmad ti faire banne doahs avec toi, la nuite, le jour, dans tous banne problèmes, donne nous aussi l’occasion pour faire ça banne doahs la, donc nous aussi nous pe demande ça banne doahs qui li fine demander la.

Donc c’est ça même façon qui H.Mohammad (saw) fine montrer a banne Awwaleen et banne Akhereen.

Doahs de H.Mohammad (saw), li pas ti banne doahs mondaine mais so banne doahs ti tel pour éloigne idolaterie, et pour qui l’unicité d’Allah gagne le dessus et li dire qui mo trouve ca image la qui des milliers de idoles fini nette et ena adoration d’ene seul Allah. Penser ou même dans la vie même de H.Mohammad s.a.w entier la Mecque fine vine musulman et banne qui ti pe adore ça banne idoles la même fine casse li. Ça victoire extraordinaire la pas vine dans la vie de n’importe qui çanne la, ce qui nous prophète H.Mohammad (saw) fine montrer, ça victoire, so grand stage, li ti en résultat d’ene grand connection avec Allah. Si pas demande aide avec Allah, ene banne idoles qui présent dans l’ame la aussi, li pas casser. De milliers de banne idoles cachiette endans, c’est pourquoi besoin faire ça même doah qui H.Mohammad (saw) et H.Massih Mawood (as) fine faire.

Aprés concernant banne doahs de H.Mohammad (saw), H.Massih Mawood (as) dire qui tout ce qui fine arriver dans Islam li en résultat de banne doahs de H.Mohammad (saw), qui li ti pe demande a Allah en pleurant dans banne chemins de Mecca. Ça qualité banne signes extraordinaires qui fine arriver la, qui fine change l’habitude du monde entier, tout ça la li l’effet de banne doahs de H.Mohammad (saw), sinon l’état de banne sahabas li ti tel qui zotte ti ena seulement 3 l’épées dans la guerre de Badar et ça aussi zotte ti en bois. Et zotte besoin gagne la crainte d’Allah, et donne zotte l’attention a Allah, a ce moment la qui zotte pour capave vine quiquechose.

Aprés li dire, ça qualité supplication et doahs qui H. Mohammad (saw) fine faire dans la vie de Mecca la, jamais aucun bien aimé pas fine faire ça a la recherche de so amoureux. Et ça supplication la li pas ti faire ça pour li mais parcequi li ti ena full connaissance de la situation du monde. Puisque pas ti ena dutout adoration d’Allah et dans so l’ame li Allah ti mette ene imaan et li ti ena ene gout et plaisir la dans, et de par so nature li ti envie propage ça plaisirs et ça gout la aux mondes . Et ici le monde so situation ti completement different. Et ti ena banne bel problemes et difficultés en face. Donc quand li fine trouve le monde dans ene tel situation be li fine tombe en supplication. Tellement li ti pe faire doahs et supplication qui so la vie ti prés pour aller. Et en refference avec ça même l’état la qui Allah fine dire li Fala allaka Bakhiyoun Nafsaka alla yakouno momeneen. Ça c‘est l’état de so la vie.Et ti ena rahmat la dans. Ça l’heure la li ti concentrer dans ene bel attention.

Ensuite mo lire ene dernier extrait de H.Massih Mawood (as) qui est tout a fait rempli de force et de vigeur. Autant des fois ou lire ça so plaisirs pas diminuer.C’est banne paroles qui reste toujours vivant. Li dire pareil coumma banne prophetes fine montrer beaucoup des miracles, autant banne affaires extra qui banne aulia fine manifester tout ça la zotte base c’est ça doahs la même . Et a travers ça doahs la même qui beaucoup banne affaires miraculeux de pouvoir d’Allah fine manifester. Et ça doahs la c’est pas n’importe qui doahs mais c’est banne vrai doahs. Doahs qui apelle doahs même. C’est a dire autant banne affaires qui arriver dans le monde autant banne miracles qui banne dimoune proche d’Allah montrer c’est en resultat de doahs même qui zotte faire ça. Ça affaire extraordinaire qui fine arriver dans ene desert d’Arabie la cotte dans peu de jours de centaines des milliers de mort fine revivre et banne qui ti corrompu depuis longtemps fine gagne banne couleur divines dans peu de jours, banne aveugle fine coummence trouver et banne muet fine coummence causer avec sagesse divine. Ene tel qualité revolution fine secouer le monde qui jamais aucun li yeux pas fine trouver et ni aucun oreille pas fine tender. Est ce qui ou conner ki ti été ça ? tout ça la fine arrivé Grâce a doahs du soir d’ene quelqun qui ti perdi li même completement dans Allah et ça fine crèer ene bel remou dans le monde et fine manifester banne tel merveilles extra ki ti parraitre impossible venant d’ene dimoune illetré et sans aide. Oh mo Allah envoye benedictions et la paix lors H. Mohammad (saw) et lors so banne partisan dans ene tel proportion qui li ti souffert et gagne la peine pour le monde et dans proportion qui li ti montrer interet pour so ummah Jusqua qiyamat. Envoye lors li la lumière de to Grâce pour toujours. Alla houmma sallé Allah Mohammadeen wala Alle Mohammadeen Wabarik Wasaleem Innaka Hamidoum Majid.

Dars de Dimanche 28 Juillet 2013 (last year)

Ashhadou Allah ilaha illallahou wahdahou laa shariikalahou wa ashhadou anna muhammadan abdahou warasoulouh Ammabaad faouzobillahi minash shaitan ir rajeem bismillah ir Rahman ir Raheem

Hazrat Khalifatul Massih al Khamis dans éne de so banne khutba dire : L’Islam c’est pas qui comme éne tradition comme éne coutume ou propage le Kalima, mais so vérité c’est qui ou banne l’Ames besoin courber devant Allah ; et Allah et So banne commandements bizin éna le dessus lors ou le monde. Donc aujourd’hui jour chaque ahmadi so situation besoin comme sa afin qui nous gagne au maximum Allah So la Grace. Hazrat Massih Maoud (as) fine dire « O mo cher Jama’at, certainement considérer qui sa l’époque la fine arrive à so la fin, et sa fine éna éne révolution. Donc pas trompe ou même, et très vite vine droite complétement. C’est éne quique chose très important sa. Adopter la vérité, dans relation avec Allah même qui éna vérité, besoin vine sincère et faire ibaadat, éna accomplissement droits de banne créatures d’Allah. Éna deux commandements important d’Allah, accompli droits d’Allah, accompli droits de banne créatures d’Allah, la-dans besoin éna droiture, vérité. Éna banne services au Jama’at, relation entre ou même. Besoin éna droiture et vérité la dans. Fine dire faire le Quran vine ou guide et cherche la lumière dans chaque zaffaire qui éna la-dans. Et pas néglige banne hadiths, zotte très important, avec beaucoup zefforts fine prépare sa. Mais quand éne zaffaire de hadith li en contradiction avec les enseignements de Quran, besoin quitte sa hadith la attention ou alle égarer. Allah fine envoye ou sa Quran la avec beaucoup précautions. Donc respect sa banne paroles la, et pas donne banne les autres paroles priorité lors la. Pour marche lors la vérité c’est enseignement de Quran même sa. Éne dimounes so banne paroles li éna l’effet lors banne dimounes autant même qui banne dimounes éna certitude lors sa dimoune la so takwa. Donc quand connaissance et takwa pour augmenter, pour éna l’effet de ou banne paroles lors banne dimounes.

Ensuite fine mentionne en gardant certitude lors Allah So banne paroles. Comprend bien qui auprès d’Allah ce n’est pas banne dimounes qui éna banne grand habillements et qui riche et qui mange bon manger. Au contraire auprès Allah So banne bien-aimé, c’est banne qui donne priorité deen lors duniya. Et zotte vine sincèrement pour Allah. Donc porte attention lors sa dernier action la et pas lors avant la, c.a.d ou besoin donne deen priorité lors duniya.

Hazrat Massih Maoud (as) dire qui si mo guette situation actuel du Jama’at, et sa c’est l’époque cotte ti pe éna banne changement pures dans jama’at mais Hazrat Massih Maoud (as) dire mo bien chagrin quand mo guette situation du jama’at. Éna qui bien faible pour zotte éna beaucoup parcours pour aller, mais quand mo guette Allah so banne promesses qui li fine faire moi, mo chagrin change en espoir. Fine dire banne dimounes qui fine suivre toi pour éna le dessus lors banne qui fine rejette toi jusque le jour du jugement. Si sa l’époque la li ti éna sa tracas la, et li fine aussi attire l’attention de so banne suivants, après qui éne l’epoque fine passer, nous besoin gagne encore plus tracas, attention nous situation détériorer aller même. Donc bien besoin réfléchi, et bien besoin analyser. Fine dire li vrai qui Allah pour donne victoire mo banne suivants lors mo banne opposants. Mais ce qui demande réflexion c’est qui suivants c’est pas tous dimounes qui fine mette la main lors mo la main et fine rentre dans Jama’at. Tant qui li pas créer éne changement pure dans li même, li pas capave être considérer comme mo banne suivants. Tant qui pas suivre complétement comment dire ou pe fini ou même dans obéissance et marche lors banne pas de Hazrat Massih Maoud (as), jusqu’à la le mot suivant pas appliquer lors ou.

Fine dire avec sa nous trouver qui Allah fine décrète éne tel Jama’at pour nous qui fini li même dans suivre moi, et obéir moi complètement. Avec sa mo gagne consolation et mo la peine change en l’espoir. Fine dire mo regard li lors Allah So banne promesses, et c’est Allah même qui mo consolation, dans éne tel situation cotte le Jama’at faible et depanne lors beaucoup de tarbiyyat. C’est éne action nécessaire qui mo attire ou l’attention lors la qui créer éne vrai relation avec Allah, et donne Li priorité lors tout. Et considère Hazrat Muhammad (saw) so Jama’at pure comme éne exemple. Marche lors so banne pas. Hazrat Massih Maoud (as) fine dire à propos donne priorité deen lors dunya, qui rappelle bien qui celui qui so principe li le monde, et li forme partie dans sa Jama’at la, auprès d’Allah li pas dans mo Jama’at. Celui qui auprès d’Allah li dans sa Jama’at la c’est celui qui détacher de sa le monde-là. Éne dimoune besoin pas penser avec sa qui li pour détruire, sa c’est éne pensée qui amène li loin depuis Allah. Jamais Allah pas laisse tomber éne dimoune qui vine pour li complétement. Au contraire li même li vine So protecteur. Allah li Kareem, celui qui perdi quique chose dans So chemin c’est lui-même qui gagne quique chose. Mo dire vrai qui Allah content banne dimounes qui suivre So banne commandements et c’est sa banne dimounes la même et zotte zenfants qui béni. Et jamais pas fine arriver qui celui qui obéir Allah, li ou so zenfants détruire. Banne dimounes qui quitte Allah c’est zotte et zotte banne enfants qui détruire. Sans Allah pas capave éna aucun succès, et pas capave éna aucun facilite. Capave éna du biens, mais qui sanne la capave dire qui après la mort c’est ou madame, zenfant qui pour servi ou. Réfléchi lors sa banne zaffaires la et créer éne changement pure dans ou. Ki Allah taa’la aide nous pou améne sa qualité changement ki So messie pé attane de nous. Aamìn.

Dars pour Dimanche 28 Juillet 2013.

Coumma banne membres conner qui a partir qui nous per entre dans le dernier 10 jours de Ramadhan aujourdhui nous fine prend ene extrait de Khutba Jummah qui Hazrat Ameer Oul Momeneen,Khalifat Ul Massih Al-Khamis ti faire Vendredi dernier le 14 Novembre 2003 ..

Aprés Sura Fatiha, Huzoor fine Sura Al Qadr Ch 97 et so traduction comme suit:

Assurement nous faire ça descanne pendant la nuit du decret. Et qui pour faire toi conner qui la nuit du decret été? La nuit du decret li vaut plis qui milles mois. Durant celle ci banne Anges et l’esprit descanne par le commandement de zotte seigneur avec le decert divin conrenant chaque chose. Tous est paix jusqua la naissance de l’aube.

Ensuite Huzoor dire Insha-Allah, demain nous pe rentre dans le dernier partie de Ramzan, depuis ene coin du monde jusqu’a lotte coin, banne Ahmadis qui pe gagne l’occasion zotte pour assise ihtekaaf, zotte pour gagne l’occasion pour faire doahs, qui Allah accepter zotte doahs. Banne qui pas pour assise ittekaaf zotte pour ranne zotte banne la nuite vivants dans zotte la cage a travers ibadat . Insha Allah.

Huzoor dire ça Sura qui mo fine lire la, la dans Allah fine mentionne ene tel la nuite dans ça dernière partie la afin pour attire l’attention vers doahs, et celui qui gagne ça la nuite la li bien chanceux. Parcequi banne doahs qui ou demander dans ça la nuite la, zotte pour accepter. Ensuite ena encore banne significations ,la dans le Quran qui ene livre complet fine révéler. Li aussi veut dire qui aprés ene bon l’époque d’obscurité, ene prophéte fine vini lors qui Allah fine révéle le Quran, et fine parfaire la Religion, et fine complete tout banne faveurs lors li et fine donne li le stage de Khatamal Anbiyya. Et fine donne la bonne nouvelle a banne qui croire dans li qui maintenant jusqu’a qayamat, c’est shariat de ça prophéte la qui pour rester jusqu’a qayamat. Maintenant pas pour ena aucun prophéte depuis Allah qui pour améne banne nouveau la lois. Oui, quand pour ena demande d’aprés l’époque et pour ena dégradation dans la Religion, be l’institution de banne reformateur pour continuer, et li pour continuer montrer banne musulmans banne vrai enseignements de ça Khattaman Nabiyeen la. Et ensuite H.Mohammad s.a.w fine aussi prophétiser qui aprés ene bon l’époque le Imaam Mahdi et Massih Mawood pour manifester. Donc, de toute façon ena plusieurs sujets qui cachet dans ça sura la qui mo pour essaye éclaire ça a ene certaine mesure, avec banne extraits de H.Massih Maoud a.s et banne Hadiths.

Premièrement pe mentionne Lailatul Qadr, pour conner quand ça la nuite la vini, et comment capave conner qui fine gagne ça la nuite la. Concernant ça, H.Khalifat Ul Massih sani r.a dire qui est-ce qui ena quique information pour conner qui tel la nuite ti ena Lailatul Qadr? So réponse c’est qui dans certains Hadiths fine dire qui parfois ena zeclair, ena du vent, ena de l’eau qui tomber, ene la lumière qui aller ou vini depuis le ciel. Mais li pas necessaire qui ena ça banne signes la, malgré qui l’experience montrer qui la majorité des fois li coumme ça. Ena banne dimounes bien pieux qui fine experience pour trouve ene lumière. Li ene zaffaire de vision ça, li pas ene zaffaire apparent pour qui tout dimounes capave trouver.

Fine dire qui moi aussi mo fine experience ça mais ce qui mo fine trouver banne les autres dimounes pas fine trouver. Donc meilleur façon c’est qui ene croyant li besoin faire doahs avec Allah tout le long de Ramzan, et garde roza avec sincérité, lers la dans ene façon ou d’une autre Allah faire li gagne Lailatul Qadr.

Dans Hadith, H.Anas r.a rapporter qui H.Mohammad s.a.w fine dire qui celui qui depuis le commencement de Ramzan jusqu’a la fin li fine faire tout namaz bajamat,be li fine gagne ene trés grand partie de Lailatul Qadr. Pas juste cherche ça dans dernier parie, mais besoin faire beaucoup ibaadat tout le long de Ramzan.

H.Abu Huraira r.a rapporter qui H.Mohammad s.a.w fine dire qui le mois de Ramzan fine commencer qui ene mois trés béni, Allah fine faire ça obligatoire lors ou pour reste roza, la dans banne la porte de jannat ouvert et la porte l’enfer fermer, et shaitaan attacher. Ena ene nuite la dans qui vaut plus qui 1000 mois. Celui qui fine ratte ça, be li fine privér de ça benedictions la.

Maintenant par la Grace Allah a Maurice aussi a Dar Us Salam et plusieurs autres Masjid pour ena banne frères et banne soeurs qui pour faire Ihtekaf a partir de demain. Alhamdolillah. C’est ene tres grand l’occasion. Nous demande zotte pour faire beaucoup doahs pour tout, pour Huzoor pour le Jama’at Internationale pour nous Jama’at Içi. Nous faire ene appel a banne les autres membres aussi pour pas derange banne Mohtakeffinne. C’est a dire banne qui pe reste Ehtekaaf. Ene fois H.Khalifat Ul Massih salis ti dire si ou ena pour demande zotte faire doahs, be demande zotte avant meme qui Ehtekaf commencer. Sinon si plusieurs banne dimounes commence joinne zotte et faire requette de doahs be beaucoup l’heure temps pour aller dans ça banne requettes la même. Nous esperer qui tout passe bien pour banne Mohtakefeen.

Dars pour Lundi 29 juillet.

Nous pe continuer le khutbah qui ti commencer hier.

Donc ene zaffaire li clair avec ça banne Hadiths la qui c’est pas coumme ça qui entier Ramzane ou pas fine donne attention a roza, ni ou fine donne attention a recitation de Quran et ni ou fine porte attention a Namaz, et comment dernier partie fine commencer ou donne l’attention a ça banne zaffaires la. Non. Au contraire li neçessaire pour ou porte attention a ça banne zaffaires la depuis le commencement de Ramzane. Banne mauvais qui ou ena dans ou, ou essaye éloigne ça, ou accompli droits de ou banne frères,soeurs. Missiers, madames accompli zotte banne droits, belle-mère belle-fille essaye pour accompli droits de chacune. Donc depuis commencement Ramzan même ou essaye accompli banne droits d’Allah et so banne créatures, c’est a ce moment la ou pour capave faire Neki, et lers la banne la portes de l’enfer pour fermer, et banne la portes jannat pour ouvert. Sinon quand ou pas faire ça banne neki la, Allah fine ferme la porte de l’enfer, mais quand par exprés ou faire ça banne mauvais la et ou pas accompli droits d’Allah et so banne créatures,be ou pe force ça la porte de l’enfer la pour ouvert. Qui Allah sappe chacun de nous avec ça.

Donc ou pour accompli droits d’Allah et so banne créatures. Fine mentionne ça dans banne les autres Hadiths aussi. A ce moment la qui ou pour tire profit avec bénédictions de banne dix dernier nuites. Parcequi quand ou faire banne ibaadat superficiel , et dans dernier dix jours qui ou faire ibaadat temporaire, ou pas capave gagne banne ‘grand quiquechose’. Au contraire ou besoin aussi mette banne excellent exemples de H.Mohammad s.a.w devant ou. Dans ene Hadith, H.Aisha r.a rapporter qui dans le dernier partie H.Mohammad s.a.w ti pe tellement faire zefforts dans ibaadat qui pas ti pe trouve ça dans banne jours normal. Dans banne jours normal aussi l’exemple de ibaadat de H.Mohammad s.a.w li tel qui ene dimoune ordinaire pas capave faire même, mais H.Aisha r.a dire qui dans Ramzane so situation ti ene lotte. Ensuite H.Aisha r.a rapporter qui quand H.Mohammad s.a.w ti pe rentre dans le dernier partie li ti pe attache so ceinture, li ti faire so banne la nuites vivant et ti pe léve banne dimounes de so la cage. Huzoor dire ça aussi li ene leçon, quand ou lever, léve ou madame et zenfants aussi pour Nawafil.

H.Aisha r.a dire pas quitte Namaz de la nuite parcequi H.Mohammad s.a.w pas ti pe quitter. Au contraire quand li ti malade ou so le corps ti pe gagne paresse, li ti pe assiser pour faire namaz tahajud.

Guette banne actions de H.Mohammad s.a.w, si nous adopter ça banne actions la lers la nous capave garde l’espoir pour gagne Allah so la grâce et bénédictions. Qui Allah donne nous tous l’occasion pour faire ça.

Aprés Sura Fatiha, Huzoor fine reçite verset 229 de Sura Al Baqara ch 2 so traduction li comme suit: Banne madame ena banne droits semblables a banne hommes cependant l’homme ena ene degré de superiorité lors elle.Et Allah est tout puissant et sage.

Ensuite Huzoor dire«serie de Khutbah qui mo pe commencer aujourdhui li ena connection avec banne droits.Droits du mari sur la femme, droits de la femme sur le mari, droits des enfants envers papa, droits de papa envers enfants. Donc le sujet de droits pour continuer pour quelques khutba encore. N’importe quand mo rapelle banne missiers qui zotte besoin ena bon traitement envers zotte banne madames, be parfois zotte dire qui conseille banne madames la aussi. Quand mo attire l’attention banne madames , zotte zotte dire qui cause pour banne missiers aussi. Donc ça discussion la li continuer même entre zotte. Alors mo fine penser qui a tour de role mo pour attire zotte l’attention lors banne droits afin qui aucun des deux pas plaigner et aucun de deux pas faire complainte are moi.

Premièrement mo mette quelques Hadiths de H.Mohammad (saw) devant ou. De Tirmidhi H.Aisha r.a rapporter qui H.Mohammad (saw) fine dire qui celui qui meilleur d’entre zotte c’est celui qui faire le meilleur traitement avec so famille.Et Moi mo meilleur qui zotte tout dans accompli droit de mo famille. Donc le Quran fine révéler a H.Mohammad (saw), li ti conne mieux qui veut dire être le meilleur dans droit de la famille, et li fine présente li même comme ene exemple. Donc n’importe qui çanne la content H.Mohammad (saw) et envie suivre so l’exemple, li besoin accompli droits de so famille pareil comment H.Mohammad (saw) ti accompli ça banne droits la.

H.Abu Huraira r.a rapporter de Tirmizi Kitaab Ul Nikah qui H.Mohammad (saw) fine dire excellent qualités morales et celui qui ena le plis excellent qualité morales c’est celui qui faire ene bon traitement exemplaire avec so madame. En ce qui concerne bonne manières ene banne dimoune penser qui ici H. Mohammad (saw) veut dire qui ou bisin ena banne excellent manieres banne excellent morales en dehors.Mais li veut pas dire ça.Au contraire fine dire qui dans la cage aussi besoin ena banne bon manières. En dehors ou capave faire banne show banne pretention tandis qui dans la cage pretention pas marcher. Donc faire excellent traitement avec ou madame et agir avec bonne manières avec zotte, c’est a ce moment la qui ou pour capave vine ene vrai croyant.

Ena ene Hadith de Sunan Ibn Maja, H.Abdullah Bin Amar r.a rapporter qui H.Mohammad (saw) fine dire qui ça le monde li temporaire, parmi banne provision de ça le monde temporaire la, pena nanrien qui pli meilleur qui ene bon madame. C’est ene trés grand parole ça, ene paroles bien profond. Celui qui gagne ene bon madame pena nanrien pli meilleur qui ça pour ça le monde temporaire la. A cause ça même H. Mohammad (saw) fine dire qui dans banne provision pour ça le monde temporaire la pena nanrien qui pli meilleur qui ene bon madame.

De Nasai, H.Abu Huraira r.a. rapporter qui ene quelqu’un fine demander qui madame Arabe qui plus meilleur tout? H.Mohammad (saw) fine dire celui qui quand ou guette li ou le coeur content, travail qui le mari dire li faire li faire li, et li pas faire banne affaires qui le mari pas content.

De Muslim Kitaab Ul Nikah, H.Abu Huraira r.a rapporter qui H.Mohammad (saw) fine dire qui ene croyant li pas besoin ena la haine et lrancune pour so madame croyante. Si ena ene zaffaire qui li pas content avec li, be bisin ena ene lotte zaffaire qui li content avec li. Li impossible ça qui ene dimoune trouve seulement banne faiblesses dans lotte dimoune la, besoin prend l’habitude pour guette banne bon zaffaires aussi et banne zaffaires qui capave donne ou la peine tant qui possible ou bisin ignore ça banne zaffaires la.

A propos H.Ali r.a rapporter qui ene fois li ti pe passer, be ti ena ene bourique qui ti mort et so ventre ti ouvert so vente ti bien gonfler, be banne dimounes fine commence cause tout qualites causer lors ça, qui li ena tel faibesses, tel faiblesses, li coumme ça et coumme ça , be autant qui mo rapelle li ti ena banne le dents qui ti bien joli, qui ti pe briller, H.Ali r.a fine dire qui guette ene coup so le dents aussi, comment ça pe briller. C’est ça zaffaire la qui H.Mohammad (saw) envie trouver dans banne missiers qui zotte bisin developpe l’habitude de guette banne bon affaires de zotte madame. Si ena quique faiblesse dans banne madames, ou si pena, capave ou pe trouve banne affaires imaginaires aussi mais zotte ena banne bon qualités, donc besoin guette banne qualités la et ignore banne faiblesses la.

H.Abu Huraira r.a rapporter de Bukhari qui H.Mohammad (saw) fine dire qui prend compte du bien-être de banne madames, parcequi banne madames fine né avec banne cotes, et ene cote cotte li plus courber c’est ça même so place plus important, si to pour essaye faire li vine droite be to pour casse li, et si to laisse li coumme ça même be li pour reste bon, donc faire banne bon traitements envers banne madames.

Concernant ça même anecdotes, dans banne les autres paroles fine dire qui ene madame li coumma ene cote, si ou essaye faire li vine droite be to pour casse li, mais si coumma li été même zotte essaye profite de li be zotte pour profiter. Dans ça contexte la besoin rapelle qui d’aprés le Quran, qui pas fine faire banne madames prend naissance avec cotes d’Adam, au contraire avec naissance d’Adam li ti présent depuis avant. Donc ça c’est banne expressions et besoin comprend zotte significations, ena ene zaffaire étrange dans banne cotes, a cause so courbe, banne faiblesses qui ena banne l’estomac ou bien banne places qui besoin reste protéger, banne cotes zotte couvert tout ça la. Madame aussi pour zotte mari, pour plusieurs banne zafaires zotte vine ene sorte de couverture, et li protége li. Donc c’est ça sujet la qui besoin garde en vue qui banne madames fine né avec banne cotes, qui ça veut dire? Maintenant si ou essaye faire ene cote vine droite be li pour casser, mais si ou réfléchi lors so étrangeté, so beauté, be ou pour trouver qui banne zaffaires qui étranges dans banne madames c’est ça même so beauté, et a cause de ça li vine plus joli encore. Donc ça l’habitude qui parfois banne madames ena pour faire banne prétentions la, besoin supporte ça, parcequi dans ça banne prétentions la même ena so beauté, quand beauté la vini be banne prétentions la aussi vine ensemble. C’est ça sujet la qui H.Mohammad (saw) fine explique nous, qui pas besoin essaye dresse banne madames d’ene tel façon qui zotte casser. Dans so courbe la même ena ene beauté, prend profit de ça, et traite li bien dans chaque zaffaire.