Dars pour Samedi 19 Juillet 2013 (Extraits Khutbah Jummah du 24 Janvier 1997)
H.Mohammad s.a.w fine dire qui ena deux dimounes bien malchanceux. Ene c’est celui qui fine gagne le Ramadhan et Ramadhan fine traverser et li pas fine gagne so banne pechés pardonner. 2eme c’est celui qui fine gagne so parents et parents et so parents fine mort et li pas fine gagne so banne pechés pardonner. Dans tout les deux ena même valeur commun qui mo ti mentionner en réfferençe avec verset de Quran la.
Banne amour et affection qui ene dimoune montrer gardant en vues banne Ehsaan qui fine faire lors li mais capave qualifier ça comme banne similitude de Ehsaan, mais pas capave apelle ça qui li pe ranne banne Ehsaan la. Traduction qui mo pe faire pour ça verset la li pour comme suit, c’est qui bisin garde en vues banne Ehsaan qui Allah fine faire et aussi qui banne mama papa fine faire. Fine faire Haram qui ou pas considére ça banne Ehsaan la. Ou bisin faire ou banne travail en gardant en vues ça banne Ehsaan la. Pour parents nous comprend mais pour Allah coumma nous pour retourne li banne Eshaan.
Ça c’est ene sujet qui H.Mohammad s.a.w fine explique nous.Li fine explique nous ça dans ça façon la qui quand nous faire nous Namaz be bisin faire comme çi nous pe trouve Allah devant nous.Et si ou pas capave faire ça, be au moins ou bisin conner qui li li pe guette ou. Ça Ehsaan la ,répresente le Tauheed complet. C’est a dire qui ou effaçe tout banne Reyrullahs et ou porte attention exclusivement pour Allah, c’est seulement la qui ou pour gagne ça sentiment la. Sinon ou pas pour gagner. C’est en fait le sujet de Tauheed même ça qui dans Namaz ou garde seulement Allah devant ou et personne d’autres.
En 2eme partie nous fine prend ene lotte extrait de khalifat Ul Massih rabbe rahemoulla ho Talla pour explique l’obscurité et qui qualite degats causer quand banne dimounes ouler satisfaire zotte banne desires personel mondaines.
Huzoor dire <<Et guette qui qualité problémes pe crèer par banne dimounes qui juste ouler satisfaire zotte désire de gagne plis l’argent et gagne plis pouvoir politique. Dans nous pays Pakistan ou plitot nous bisin dire partout dans le monde li coumme ça qui la vie humaines pena aucun valeur. Pena aucun égard et considération pour l’honneur de banne dimounes.Et chaque fois lers la question poser qui faire pe arrive ça banne affaires la? Be la résponse est toujours qui ça pe arriver soi pour l’argent soi pour la politique. Ça deux affaires la fine gagne sitant le dessus, zotte sitant controle l’ésprit de banne dimounes qui banne dimounes la pas conscient dutout.Zotte pas trouver. Et lers la, ça c’est le resultat naturel et finale et automatique qui personne pas capave barrer.
Aucun de ça banne dimounes la pas capave sapper avec ça. Et ça c’est ene affaire qui arriver tout les jours. Li commençer dans la cage. Dans la cage même ou capave constate so banne l’effet lors ou banne enfants mais ou pas porte aucun attention. L’effet de ça banne affaires la fine parraitre clairement lors ou madame lors ou banne ti filles lors ou banne garçons mais la aussi ou pas fine prend aucun conte. Et si ou ti porte attention a ça, be c’était ça même l’heure pour apporte banne réformes dans zotte. Sinon aprés li pour trop tard et zotte pour sappe de ou la main sans qui ou capave faire nanrien. Ena par exemple l’affaire de pardah pour banne madame. Chaque fois nous exhorte zotte pour le pardah. Mais zotte tire des centaines excuses et pretextes. Quoique qui ena certaines excuses qui valable.
Parmi zotte banne excuses qui zotte avancer, zotte dire qui nous bisin travail nous ena pour gagne nous salaire pour nous vivre, nous ena pour sorti en dehors nous banne ti fille bisin gagne l’Education be coumma nous pour capave enferme nous et assise dans la cage. Nous fine dire zotte, qui jamais nous fine dire qui ou bisin assiser et enfermer dans la cage. Mais c’est qui ou bisin garde enfermer, c’est ou l’honneur ou integrité. Faudrait pas qui ena ene liberté totale et ouvert. Faudrait pas qui ou faire comme çi ene invitation ouverte. Si ou protége ou l’honneur, si ou pas faire tout ça banne affaires la, be a ce moment la n’importe quel forme de pardah est correcte. Mais en fait zotte demande permission sous ene lotte pretexte.
Et zotte servi ça banne permission la pour banne les autres objectif. L’objectif pour laquelle zotte demande permission pour pas observe le pardah la, c’est qui zotte envie montrer zotte beauté. Comme arrogance. Chaque madame qui apparament bon. Apparament dans ça sense la qui ou pas trouve aucun défaut dans zotte lors laquelle ou capave accuse zotte. Mais ena ene faiblesse qui ou pour trouver dans zotte. Et lors la pena même aucun question. En fait faiblesse la, c’est qui quand zotte sorti en dehors, zotte pas sorti juste pour accomplir banne neçessités. Au contraire zotte dresse zotte, parer bien, maquiller bien et zotte sorti avec l’intention pour attirre de regards étrangère lors zotte. Zotte sorti avec l’intention pour expose zotte banne beauté.
Tandis qui introduction qui le Quran fine donner pour le Pardah , le point centrale dedans, c’est qui faudrait pas ou expose ou beauté devant banne regards étrangère. Donc qui qualité obligation qui ou capave ena, qui ou bisin prend permission pour pas observe le pardah. Et ou mal servi permission la. Ou servi li contre ou même et contre ou banne enfants. Donc ça affaire de beauté pour montrer la, li fini ene peuple nette. A ce moment la peuple la nepli gagne l’occasion pour faire banne travail pour banne haut objectif.
Leave a Reply