Dars pour Jeudi 18 Juillet 2013 (Extraits Khutbah Jummah du Janvier 1997)
Généralement tout banne dimounes conner coumma pour passe ça banne Roza de mois de Ramadhan la. Mais moi mo pe garde en vues banne bénéfiçes qui spéçialement vini dans Ramadhan. Ou bisin profite le maximum de ça saison la et tire le maximum bénéfiçes. C’est ça l’objectif de banne conseils qui mo pe donner aujourdhui. Ene banne dimounes conner ça affaires de cerf volants la. Mais quand ou ena di vent et ou faire envole ça banne cerf volants la be li vraiment ene lotte plaisir. Donc ça mois la li coumma ene saison spéçiale pour magine Allah. Et chaque chaque fois dans différent la cage ena la voix de Zikré Ilahi qui pe lever. Dans different l’heure banne dimounes pe lever, matin et soir ou tanne la voix de reçitation de Quran. Dans différent façon banne dimounes essaye garde vivant le Zikré Ilahi et zotte rode faire li vine permanent. Afin qui banne magination d’Allah qui fine vini, li pas aller. Faudrait pas li sappe de la main li aller.
Gardant en vues ça l’objectif la, Allah dire Oh banne qui fine amène imaan fine faire le Roza obligatoire lors zotte pareil coumma li ti obligatoire lors banne qui avant zotte. Laallakoum Tattakounne. Ramadhan n’est pas ene jeu li pas ene cinéma.Ramadhan n’est pas ene affaire de reste faim et de faire Aftar seulement.Ramadhan so ene l’objectif c’est qui ou faire progrés dans Takwa. Ou gagne crainte d’Allah dans ou le coeur plis qui avant et bisin qui ça crainte la rester tout le temps.
En 2eme partie extrait de khutbah de Hazrat Khalifat Ul Massih raabe Rahemoullah ho talla qui li ti faire le 19 Avril 1996 et li ti pe cause lors le sujet de obscurité et ti pe attire l’attention lors certaine négligençe humaines qui sont en fait banne obscurité de zotte propre être. Banne négligençe qui couvert li nette d’obscurité et li pas conscient de objectif de so création. Li pas capave reconnaitre ça objectif la. Et ça c’est l’obscurité le pli dangereux. Et Quran aussi fine mentionne ça dans ene même ordre. Premièrement fine mentionne banne affaire simple ensuite fine mentionne banne affaires qui émerger de ça banne premier négligençe la qui est encore pli dure, pli sevère et pli dangereux. Ensuite fine mentionne résultat finale de ça et fine donne l’exemple d’ene végétation qui bien fleurri et grandi et cultivateurs la bien content quand li guette ça. Et prend avantages de beauté de ça banne verdures et vegetations la parraitre ene affaire simple et ordinaires. Ensuite banne végétation la grandi et fleurri encore, c’est qui faire le coeur de planteur la encore pli content. Mais finalement ene tel époque vini lors ça plantation la, cotte li coummençe sec, jaunni et li vine coumma banne la pailles qui craser en bas li pieds. C’est dans ça l’état la qui finalement li vini. Ça c’est l’exemple qui mo fine faire réfferençe en attirrant l’attention lors différent affaires. Mo ti pe dire qui premièrement ena le Jeu et amusement. C’est de ça même qui tout banne affaires mondaines émerger. Jeu amusement, show parraitre ene affaire innoçent, ene affaire qui ena profonde connection avec la nature humaines.Banne enfants aussi faire zotte le coeur content avec banne jouer. Mais au fur et a mesures qui zotte grandi et qui ça banne Jeu et amusements la gagne le dessus lors la charactère humaines, be a ce moment li fine ene affaires qui inclure banne pechés aussi. Jeu et amusement gagne le dessus li aller même et li faire ou oublier et néglige banne vrai objectif de la vie humaines. A tel point coumma dire Jeu et amusement même vine objectif de la vie quand pourtant li pas du tout l’objectif de la vie. Dans ça contex la, mo ti averti ou qui tout le temps mette ou banne enfants en garde contre ça banne affaires la. Cotte zotte attention lors banne Jeu et amusement attirer a tel point qui li vine ene obstacle dans le chemin de haut objectif de la vie, cotte L’instruction et l ’Education vine ene affaire secondaire et cotte ça banne affaires de Tamasha mondaines la vine le vrai objectif, be lers ça qualité enfant la zotte transfomer en ene tel Jeune génération qui perdi zotte destination pour tout le temps. Et zotte prend le mauvais direction.
Leave a Reply