Ashhadou Allah ilaha illallahou wahdahou laa shariikalahou
wa ashhadou anna muhammadan abdahou wa rasoulouh
Ammabaad faouzobillahi minash shaitan ir rajeem bismillah ir Rahman ir Raheem
Pour darus aujourd’hui, fine prends extraits d’ene Khutbah Jummah qui Hazrat Khalifat Ul Massih Al Khamis Ayya d’Allah ho Talla bin asre hil azize fine faire le 28 Aout 2009.
Huzur (aba) dire qui Hazrat Muhammad (s.a.w) fine dire, qui pour acceptation de roza, besoin accompli banne conditions.
Dans ene Hadith Hazrat Abu Huraira (r.a) rapporté qui ene dimoune qui cause menti quand li roza, et li pas arrête faire ça, Allah pas besoin qui li arrête manger, boire pour li.
Dans ça Hadith-la fine dire qui celui qui pas sappé avec le mal, so roza li pas roza, au contraire c’est ene déception. Et ça dimoune-la pas pour ena progrès dans so neki. Donc pour ene vrai croyant, pour demande Allah so la grâce et pour gagne banne bénédictions de Ramadhan, besoin enant z’effort dans ça direction la.
Ena aussi banne dimounes qui pe donne banne Ahmadis banne difficultés pendant le mois de Ramadhan et zotte considère ça comment ene bénédiction pour touille banne Ahmadis. Est-ce qui ou penser qui pareil comment la porte de Jannat fine ouvert pour banne qui faire le nekis, pour banne dimounes qui plonger dans le mal aussi li pour ouvert? Est-ce qui pareil comment banne qui faire ibaadat, zotte shaitaan fine enchainer? Banne qui faire toute sorte de mals-la, est-ce qui zotte aussi zotte protégé de l’enfer et fine enchaine zotte shaitaan? Si ti fine enchaine zotte shaitaan aussi, zotte pas ti pour faire même banne telle actions satanique. Au contraire zotte ti pour faire le neki. Donc ça z’affaire-la li dépanne lors banne actions. Banne qui cherche Allah so plaisir et faire z’efforts tire profit de Ramadhan, Allah pour créer banne provisions pour li – plus qui dans banne jours normal. Parce qui ça dimoune qui pe garde roza et li pe faire-li avec l’intention pour gagne Allah so plaisir ; Li pe quitte tous ça banne mals-la pour le plaisir d’Allah. Au contraire li quitte banne z’affaires qui permissible aussi.
Donc nous besoin tire profit de banne facilités qui Allah fine donne nous, et nous besoin demande li so la grâce et courber devant li. Ça message qui fine vinne à travers Hazrat Muhammad (s.a.w), lors questions de so banne Sahabas, ça tout le temps fine rester dans le Qur’an comment ene bon nouvelle pour nous.
Dans hadith à propos de roza fine dire certaine banne z’affaires, la-dans aussi Allah fine mentionne so proximité, acceptations de duahs de so banne serviteurs, et fine aussi mentionne certaine conditions. Premier fine dire « Sa-‘alaka ‘Ibaadi ». Fine dire mo banne dimounes qui envie vine banne serviteurs d’Allah et qui déjà banne serviteurs, c’est zotte qui pour gagne ça banne z’affaires-la. Banne dimounes qui banne serviteurs spécial d’Allah, « Iyyakan’abodu Wa Iyyakanasta’een » li apparent avec zotte chaque action. Ici Allah fine dire signe de so serviteurs spécial, c’est qui zotte demande « Anni » c.à.d. zotte demande à propos de Moi, zotte cherche Moi, zotte désir – li pas mondaine, zotte pas pensé qui quand gagne Allah afin qui mo capave faire duahs pour mo ‘business’ progressé, ou bien faire accompli les autres désires. Zotte demandé « dire-moi cotte mo Allah, mo tourmenté dans mo recherche pour Allah. Le monde pe vine matérialiste, pe écrire banne livres contre l’être d’Allah, donc mo gagne mo tracas – parce qui moi qui amène Imaan lors Allah l’unique, mo ena ene seul désir – qui mo gagne autant connaissances lors Allah-so-être afin qui aucun z’affaire mondaine, nanrien pas faire moi dévier depuis Ahmadiyyat. Et pour accompli ça désir-la, mo pe garde roza de Ramadhan. »
Allah dire qui banne qui pe cherche moi sincèrement, « mo prêt avec zotte »; banne qui banne vrai musulmans et pe faire z’efforts être banne vrai musulmans, qui amène Imaan lors Hazrat Muhammad (s.a.w) et lors so banne la lois. Li essaye marche lors la, et dans cherche Allah, li suivre sunnat de Hazrat Muhammad (s.a.w). Pour l’amour d’Allah li ena l’amour pour Hazrat Muhammad (s.a.w). Allah dire qui mo proche avec zotte. Et n’importe quand mo serviteur appelle moi, mo réponde zotte. Donc si ena pour commence session de questions et réponses avec Allah, bé en premier besoin cherche Allah sincèrement. Et à travers ça recherche-la, Allah même fine dire qui mo proche ; fine dire suivre banne enseignements du Qur’an, sunnat de Hazrat Muhammad (s.a.w), et ena l’amour pour Hazrat Muhammad (s.a.w). Et d’après Qur’an et banne prophéties du Qur’an qui fine accompli, besoin être fidele avec l’Imâm de l’époque. Besoin être sincère dans bai’at avec Hazrat Massih Ma’oud (a.s). Li pas suffit pour annoncer être musulman seulement. Faire ou Imaan vine complet, vine vers ça chemin qui amène vers Imaan complet-la, qui Allah et so prophète (s.a.w) fine dire. Allah fine dire comment pour gagne ça niveau de Imaan lors Moi la. Pour gagne ça quand zotte obéir Moi, zotte écoute Moi, et pour ena ça action-la quand faire z’efforts suivre tous banne enseignements du Qur’an.
Qui Allah aide moi en premier et nous tous ensemble pour marche lors ça banne enseignements-la. Ameen
Leave a Reply