Dars Dimanche 21 Juillet 2013 (Extraits Khutbah Jummah du 24 Janvier 1997)
Dans ene Hadith, H.Abur Rahman bin Auf r.a rapporter qui H.Mohammad s.a.w fine dire qui celui qui pour la cause de imaan et Ihtessab li garde Roza et si li faire ça avec sinçerité et pour la cause de sinçerité, be ene tel dimounes li vine pure de tout so pechés pareil coumma dire le premier jour de so naissançe. Pareil quand a so naissance li completement pure et innocent be içi aussi li coumma dire ene nouveau naissançe spirituel. Maintenant est ce qui quand chaque l’Année reprend naissance, est ce qui li veut dire qui chaque l’Année bisin mort? En fait quand ene fois ou fine reprend naissançe dans la vie spirituelle be ene grand demande de ça la vie la c’est qui ou bisin préserve ça innoçençe la.
Et quand fine dire lever dans la nuite et faire analyse be c’est vers ça même qui pe faire refferençe. Deja avant dans banne Khutbahs mo fine expliquer coumma pour faire ça. Mais aujourdhui mo envie spéçialement explique ou dans quel façon pour faire banne Namaz de la nuite la. Pour faire le Ihtessab ena déja tout le Quran, mais ene seul Sura c’est a dire le Sura Fatiha suffit. La clé de tout banne sujets de Quran li trouve dans le Sura Fatiha et c’est pourquoi fine apelle li Fatiha. Ene affaire qui ouvert. Donc li ene Sura qui ouvert tout connaissance tout sagesse de ça livre la. Dans ça contex la si dans ça Ramadhan la si ou garde seulement le Sura Fatiha même en vues et ou passe ou la nuite en réflechissant lors ça Sura la, be li pour vine ene ebadat bien complet.
Et pas pour ena aucun aspet de ou banne besoins qui le Sura Fatiha pas capave accompli. Li accompli tout. Li impossible qui avec le Sura Fatiha ou pas atteindre banne haut objectif de Ramadhan. Si de ça façon la ou traverse ou Ramadhan en reflechissant lors la be en realité ça Eid qui pour vini aprés le Ramadhan la pour vine ene Eid de ou naissançe.Ene nouveau naissance spirituelle et ça c’est ene rejouissançe. Coumma dire ça Eid la vine ene Eid pour tout banne Momeen qui pendant le mois de Ramadhan fine prend ene nouveau naissançe spirituelle.
En 2eme partie toujours le khutbah de 1996 lors Tarbiyyat surtout le pardah.
Huzoor dire « Mais Islam pas fine donne la permission a banne madame pour zotte expose zotte beauté et gaspille ainsi et cause di tort a la capaçité sexuel de l’homme.La beauté de banne madames ena ene objectif spéciale et ena ene environnement spéçiale cotte capave servi li. Dans l’environnement qui permette, ou capave servi ou beauté, dresse ou et faire ou beau dans l’environnement qui permette.Ena so prinçipe. Quran pe dire qui ou bisin montrer ou beau et joli devant ou banne enfants.
Et faut pas li coumme ça, qui devant banne enfants ou vine en façon desordonné depaille depaillé et quand pour ena pour alle Bazare be a ce moment la ou dresse ou cheveux et ou laisse li fanne fanner derrière ou. De sorte qui quand ou marcher be ou cheveux aussi pe saute sauter derrière ou. Ça c’est ene mauvais façon. Qui faire ou pas faire ou joli et beau dans ou la cage devant ou banne enfants, devant ou mama, papa, devant ou banne fréres. Puisque dans ça banne la zotte regards ena la pureté, be tant qui ou pas faire ou beau et joli devant zotte, be li veut dire qui d’aprés ou la pureté pena aucun valeur.Et dans beauté et ornements pour l’arrogance ena tout ça banne messages la inclus. Et la verité est qui si ou guette la psycologie humaines qui banne intentions de banne li decider d’apres banne valeurs, banne prix.
Et au yeux de banne dimounes c’est ça prix la ça valeur la même qui pour dire coumma l’intention été et coumma pour réalise ça l’intention la dans la vie pratiques. Donc si dans l’intention pena la pureté, be cotte ena banne li yeux pure be li pas interesser même a montrer. Li completement indifferent a banne regards pure la. Mais cotte ena ene ti tendance pour qui banne li yeux tappe lors li, li envie qui banne dimoune guette li, cotte ou senti qui banne dimoune pe adore ou. Coumma mo fine dire qui pour ça banne madames la apparament ou pas pour trouve aucun fautes dans zotte, zotte faire protection de zotte propre être.Mais Quran fine donne ça introduction la qui zotte fine faire zotte banne plaisirs personnel vine zotte idoles.
Ça c’est maladie qui fine coummençer dans zotte. Et zotte pas satisfait zotte pas gagne tranquilité tant qui pena banne regards qui pe adore zotte.Ça affaire qui faire banne regards adore zotte la est ene tel maladie dangereux et contagieux. Maladie la continuer grandi et lers la pas capave arette li. Banne future generation qui pe trouver qui dans nous papa et maman ena ça affaire de beauté pour montrer la beauté pour arrogance, be li impossible qui zotte aussi zotte pas grandi avec ça banne même tendance la. En fait zotte aussi zotte grandi en adoptant banne même habitudes au contraire zotte alle un peu pli devant. Si nous laisse ça situation aller coumme ça, be pas pour ena aucun plaisir dans ça banne affaires la. Tout plaisir pour fini.
Leave a Reply