Dars pour Mardi le 16 Juillet 2013 (Extraits Khutbah Jummah du 17 Janvier 1997)
Huzoor dire <<Aujourdhui nous lors le 7eme jour de Ramadhan. Et mo fine choisir pour cause are ou lors le Ramadhan en réfferençe avec quelque versets de Quran et certain Hadiths et aussi quelque extraits de H.Massih Mawood a.s. Sept jours qui fine aller, fine fini aller mais pour banne jours qui pe vini la, ena banne conseils dans ça banne versets la et dans d’autres versets encore. Actuellement mo ena spéçialement en vues le Tarbiyyat de banne nouveau générations.
Et dans ça contex la , dans banne mots bien simples mo explique ou banne façons pour qui ou capave gagne certains bénéfiçes de Ramadhan. Mais avant laisse mo donne traduction et en bref commentaires de banne versets qui mo fine lire la. Allah pe dire Oh banne qui fine amène imaan, fine faire Roza obligatoire lors ou pareil coumma li ti obligatoire lors banne qui avant ou. Ça sujet de obligatoire lors banne avant la, li baser lors 3 sortes de ebadat. Ene c’est Hajj et Namaz 2eme 3eme Roza. Ça c’est 3 types de ebadat fondamentales qui ena connection avec tout banne Religion. Et c’est ene affaire qui coumme ça depuis tout le temps.
Ça c’est trois aspet de ebadat qui ou bisin garde en vues et faire Tarbiyyat de ou banne future génération. Dire dire zotte qui sans ebadat zotte la vie pena aucun sense, aucun importançe. Li ene la vie dans vide. Li pour ene la vie qui pas pour ena aucun conte cotte Allah. Ou pour vivre et mort et vine la terre içi pareil coumma des animaux mais avec la seul differençe qui banne animaux zotte quand zotte mort zotte gagne le salue mais ou quand ou mort ou pour bisin présenter dans le terrain de Récompenses ou punitions. Ça c’est le conscience qui nous bisin crèer dans le future générations, et Ramadhan Mobarack est ene trés bon occasion pour ça.
Parcequi l’atmosphère même est ene lotte. Li pure et appoprier. Ramadhan est ene tel mois cotte dans banne Masjid ou pour trouve banne figure qui jamais ou pas fine trouver avant. Mais quand ou guette zotte, faudrait pas qui ena ene sorte de sentiment de critique qui lever dans le coeur pour zotte.Non. Parcequi si ene dimoune guette ça banne nouveaux dimounes la avec ene regard de critique, ene regard qui ouler dire, qui maintenant zotte fine vini, avant cotte zotte ti été? Si ou guette zotte avec ça qualité regard la ,be li mo imaan ça, qui a ce moment la tout ou banne ebadat tout ou banne bon travail alle dans vide. Parcequi si ene dimoune fine présent dans le Royaume d’Allah, même si pour ene fois li fine présent, be si ou ou vraiment ena de l’amour pour Allah be ou bisin guette ça dimoune la avec ene yeux d’amour.
Ou bisin faire effort pour faire li vine encore pli proche.Dire li Alhamdolillah , mo bien content pour trouve ou. Dire li to fine vini, Bismillah, mo bien content. Acceuillir li a bras ouvert. De sorte qui a travers ou et a travers ou sinçerité li vine tout le temps pour Allah. Ça c’est ene façon avec laquelle ou capave faire excellent Tarbiyyat de ou enfants dans la cage. Quand zotte lever le matin,guette zotte avec beaucoup d’amour et d’affection. Encourage zotte. Dire zotte si zotte fine lever zotte fine lever pour Allah et quand ou cause are zotte dire zotte et demande zotte , aujourdhui qui to fine cause avec Allah? Qui to fine demande Allah? Qui doahs to fine faire? Dans ça façon la ,de l’enfançe même la grain de l’amour d’Allah pour fermement implanter dans zotte le coeur. Ça même ça banne la grain la pour développer pour grandi.
Donc dans le mois de Ramadhan, li coumma dire ene mois de plantation. Ou bisin plante ça la grain de l’amour d’Allah la dans le coeur de ou banne enfants. Ensuite ou bisin soigne ça banne la grains la en causant are zotte banne bon bon affaires tout le jours. Et a ce moment la ça même ça banne enfants la pour vine coumma banne pieds pures. Banne pieds qui ena zotte raçine lors la terre mais zotte banne branches pe causer avec le ciel.
Généralement tout banne dimounes conner coumma pour passe ça banne Roza de mois de Ramadhan la. Mais moi mo pe garde en vues banne bénéfiçes qui spéçialement vini dans Ramadhan. Ou bisin profite le maximum de ça saison la et tire le maximum bénéfiçes. C’est ça l’objectif de banne conseils qui mo pe donner aujourdhui. Ene banne dimounes conner ça affaires de cerf volants la. Mais quand ou ena di vent et ou faire envole ça banne cerf volants la be li vraiment ene lotte plaisir.
Donc ça mois la li coumma ene saison spéçiale pour magine Allah. Et chaque chaque fois dans différent la cage ena la voix de Zikré Ilahi qui pe lever. Dans different l’heure banne dimounes pe lever, matin et soir ou tanne la voix de reçitation de Quran. Dans différent façon banne dimounes essaye garde vivant le Zikré Ilahi et zotte rode faire li vine permanent. Afin qui banne magination d’Allah qui fine vini, li pas aller. Faudrait pas li sappe de la main li aller.
Leave a Reply