Dars pour Vendredi 19 Juillet 2013
Tout d’abord ene Hadith lors Ramadhan.C’est Hadith Kudsi, c’est a dire ene paroles qui Allah li même fine dire directement a H.Mohammad s.a.w mais qui pas inclus dans Quran. Ena beaucoup banne Hadith coumme ça. Dans ça Hadith Kudsi la, Allah dire tout banne actions qui l’homme faire li pour zotte même mais roza li pour moi, et c’est mo même so recompense. C’est a dire recompense de Roza li Allah en personne. Qui pli meilleur recompense qui ou capave gagner qui ça. Donc nous esperer qui nous pour continuer nous banne efforts et coumma nous conner le prmeire 10 fine fini terminer et a partir de maintenant nous pe aborde le 2eme 10 qui fine qualifier comme Rahmat Misericorde. Faudrait pas baisse le bras. Continuer vine nous Masjid et faire tout banne Namaz Ba Jama’at.
Maintenant en 2eme partie nous pe continuer extrait de Khutbah de Khalifat Ul Massih rabbe rahemoulla ho talla qui li ti faire en 1996 et pe cause lors obscurité de ou propre être. Hier nous ti faire so premier partie coumma obscurité faire eloigner et egarer.
Huzoor dire Le prochain pas de ça, c’était rivalité pour la beauté et ornement juste pour montrer. C’est lors la même qui mo ti pe causer la semaine dernière. Ou capave constater qui Jeu et amusement ena connection avec ou propre être. Ene dimoune qui content ene affaire et qui concentrer li même nette la dans be li pas affecter personne. Ene dimoune qui plonge li nette dans television, be li pas pe affecter les autres. Quand li faire ça banne affaires la li pas en conflit avec ene lotte. Pena aucun confrontation.
Ene dimoune qui par exemple content la musique et qui reste plonger tout le temps la dans même, be li dire qui ça faire ou? Moi mo content ça et c’est mo le temps qui pe aller. Et quand ena tapage en dehors, li mette so ear phone li continuer écoute so la musique.Même dans avions pour pas faire objection lors zotte qui zotte pe faire tapage avec zotte la musique et dérange la paix de tout dimounes be necque zotte mette zotte ear phone et écouter. Au contraire maintenant banne compagnie Avion même fourni banne ear phone pour tout dimounes. Si ou envie guette Television a bord ou soi envie écoute la musique, n’importe qui programme qui ou envie écouter ou capave écouter a travers ou earphone sans qui ou dérange la personne a coté de ou. Donc Jeu et amusement ena ene commençement qui ena connection avec satisfaction de banne désires personelles.
Banne désires de ou propre être sans confrontation avec les autres. Mais ensuite ça banne affaires la li émerger et sorti en dehors. Lers la li changer en banne affaires de beauté et arrogançe.Pour adopter la beauté, c’est ene affaire qui présent dans nature de chaque dimoune. Mais quand ça même ça beauté la faire pour montrer, be a ce moment la li transformer en arrogançe. Lers la chaque cadeau et faveur qui Allah fine faire lors ça qualité dimounes la, au lieu qui li montrer li reconnaissant envers Allah, li plitot servi ça banne faveurs la pour montrer li supérieur aux autres.
Li montrer li arrogant. Ça banne dimounes la, au lieu qui zotte courbe la tête devant Allah, zotte plitot hausse zotte la tête devant banne dimounes.Ça appelle arrogançe. C’est a dire au lieu qui continuellement li soumette devant Allah pour banne faveurs qui li fine faire lors li, li continuer hausse la tête devant banne banda Allah qui est pli faible, pli pauvres qui li. Et ça arrogançe la c’est toujours ene arrogançe qui ou faire lors banne qui pli petit qui ou.
Ça li ene affaire automatique. Coumma ou capave faire arrogançe envers banne qui pli haute qui ou? Au contraire ou pour reste loin de zotte afin qui ou pas parraitre pli petit et pli faible qui zotte. Ou montrer ou l’arrogançe devant banne dimounes qui comparativement pli petit, pli faible, pli pauvres qui ou. Même dans banne affaires famillialles ou banne affaires de marriages etc quand ena ça banne affaires d’arrogançe la, be tant qui ou pas dépense plis qui lotte la, ou pas senti ou la tête haute. Donc pour ou éleve faussement ou la tête devant les autres, ou abaisse la tête de ou banne enfants pour tout le temps. Ou plonger dans banne dette, banne di biens alle fini.
Au lieu qui le monde faire ou éloge qui oui ça dimoune la fine bien faire, pour quelque jours ou gagner ça éloge la, mais aprés pour tout les temps ou gagne banne malédiction. Lers la banne dimoune pour dire qui tout ce qui li ti gagner en héritages, ça aussi li fine fini. Donc ça aussi c’est ene sorte d’obscurité qui est bien dangereux.
Leave a Reply