Bismillah Ir Rahman Ir Raheem
Mehmaan Nawaazi de bannes invités du Messie Promis (as)
Traduction Khutba Jummah qui Hazrat Ameer Oul Momeneen, Khalifat Ul Massih
Al-Khamis (atba) ti faire Vendredi dernier le 31 Aout 2012 dans Baitul Futuh,
Après Sura Fatiha, Huzoor dire qui par la Grace d’Allah le Jalsa de Uk li
proche. Et Insha Allah le Jalsa pour commencer a partir Vendredi prochain. Par la
Grace d’Allah, banne travailleurs de banne differents departements pe travail. Et
zotte pe faire beaucoup zefforts et sacrifices pour preparations Jalsa. Banne qui
vine participe dans Jalsa, aussi banne de banne les autres Jamaat, banne etrangers
surtout zotte étonner, comment ene ti la ville vine vivant comme ça, et cotte éna
tous banne facilités.
Et tout ça faire dans 10-15 jours. Éna étrangers penser qui
peut-être nous paye banne dimounes pour faire ça, mais quand ou dire zotte tous
ça banne volontaires qui faire, et banne tels dimounes qui péna aucun connection
avec ca banne travails la dans zotte la vie, zotte bien choquer. Certainement
éna travails nous payer aussi pour faire mais 60-70% travails banne volontaires
Ahmadis faire, banne vieux, jeunes, missiers, madames. Et dans banne jours de
Jalsa aussi zotte occupe ça organization la avec ene enthousiasme, juste pour
servir banne Mehmaan de Hazrat Massih Maoud (as).
Donc c’est ene trés grand zaffaire pour banne qui faire tous ça banne travails la
toute longue l’année. Ene semaine avant Jalsa d’aprés tradition, mo habituer attire
l’attention lors mehmaan nawaazi et mo aussi adresse banne travailleurs, c’est
pourquoi aujourd’hui mo pour dire quiquechose à propos de ça afin qui l’attention
attirer et éna des fois éna banne anecdotes et conseils ki donne ene nouveau
l’enthousiasme.
C’est ene specialité juste pour Jalsa Uk ça pour qui nous cause lors
banne mehmaan de Hazrat Massih Maoud (as), ce n’est pas parcequi banne qui
travaille dans Uk éna quique manquement, et les autres officiers du monde zotte
travaille avec enthousiasme. Non. Au contraire c’est parcequi l’importance de Jalsa
de Uk en ce moment li plus important qui tous banne les autres Jalsa du monde.
Parcequi li ene Jalsa International. Li pas neçessaire qui dans les autres Jalsa du
monde le Khalifa de l’époque li présent, mais içi depuis qui pas en droit faire Jalsa
dans Pakistan c’est pourquoi pe faire le Jalsa ici. Dans Pakistan a cause empeche
faire Jalsa, a cause zotte faire dominaire lors banne Ahmadis pakistanais, et a
cause le Khalifa fine vine ici a Londres et ici fine vine le centre, comment mo fine
dire depuis 26 ou 27 ans presence du Khalifa dans Jalsa ici fine vine ene partie du
Jalsa.
Et a cause de ça de banne coins du monde, banne Ahmadis et banne dimounes
de les autres Jamaat vine pour participe dans le Jalsa. Auprés de banne Ahmadis
du monde et banne étrangers, Jalsa UK pas fine reste Jalsa Uk seulement mais
li fine vine ene Jalsa du centre. Et so raison c’est qui le Khalifa de l’epoque reste
ici. Donc dans ça aspect la, dans organization içi so demande li plus. Et attente
de banne mehmaan qui vini li plus. Et a cause de ça moi et l’organisation nous
tracas li plus, afin qui nous capave faire Mehmaan Nawaazi de banne Mehmaan
bien comment besoin. Et qui arrangements de Jalsa li bon dans tous les façons.
Et nous faire zefforts pour ça afin qui autant amelioration qui capave faire dans
banne arrangements nous faire li. Et a cause de ça éna fois banne depenses li
plus. Et Jamaat Uk so budget li pas capave supporte tout banne depenses alors
qui depenses du Jalsa li faire par Jamaat UK meme en grande partie, mais de toute
façon centre aussi besoin mette 30-35% la-dans, parfois plus. Mo pe mentionne ca
parcequi éna fois banne dimounes dire qui le centre mette beaucoup fardeau lors
Jamaat UK.
Alors qui Jamaat içi li Jamaat de banne qui faire sacrifices et a cause
benedictions de Jalsa zotte envie ou bien mo esperer qui zotte pour envie supporte
tous depenses. Mais éna qui essaye crèer ene desordres. Et après parcequi li ene
Jalsa Centre comment mo fine dire c’est pourquoi le centre penser qui li so devoir
pour mette ene partie de ça depenses la.
Donc mo ti pe dire qui Jalsa Uk dans regard du monde li ene Jalsa centrale. C’est
pourquoi banne officiers içi et responsabilité de l’organisation li grandi. Et mo gagne
tracas pour ça. C’est pourquoi avant Jalsa nous attire l’attention lors le fait qui
banne officiers besoin rapelle qui tous banne Ahmadis du monde zotte regard et
regard de banne etrangers qui vine de les autres pays, éna banne leaders etc, zotte
regards li lors organization Jalsa et banne officiers. C’est pourquoi comportement
de banne officiers, façons qui zotte faire travail, zotte maniere, zotte niveau de
mehmaan nawaazi besoin tres tres bon.
Missiers, madame, zenfants qui fine gagne banne different travail, besoin
faire de zotte mieux, et tout le temps après jalsa surtout banne qui vine depuis dehors
flatte mehmaan nawaazi de banne officiers,
qui ça l’année la aussi zotte faire li et besoin éna ça zeffort la tout le temps qui ça
niveau la pas tomber. Au contraire chaque année niveau la besoin augmenter aller
meme.
Tout le temps ene croyant besoin alle vers le progrés. Mehmaan nawaazi
pas ene action ordinaire. Au contraire li ene tel neki qui fine mentionner dans Quran
et fine ordonne banne croyants pour avance en avant. Éna ene mehmaan nawaazi
qui banne dimounes du monde aussi faire. Chaque dimoune de bonne nature li faire
mehmaan nawaazi, ca aussi li éna importance et certainement ene tel dimoune li
gagne recompense depuis Allah. Mais quand ou faire ene action seulement pour
la cause d’Allah, quand li pas ou propre mehmaan ou bien li pas ou proche famille,
au contraire seulement pour la cause Allah ou pe faire ca mehmaan nawaazi
la, certainement ca mehmaan nawaazi la li gagne recompenses aupres d’Allah.
Comment mo fine dire qui Allah fine attire l’attention lors mehmaan nawaazi dans
Quran.Éna ene anecdote de Hazrat Ibrahim (as). Allah fine bien mentionne ca mehmaan
nawaazi la. Qui premier travail qui li fine faire comment ene mehmaan fine vini c’est
qui li fine mette manger devant li d’apres arrangements qui fine capave faire la-bas.
Quand Hazrat Muhammad (saw) fine gagne so premier revelation et li fine peur
avec ca, quand Hazrat Khadijah (r.a) fine tanne ça tout de suite fine mentionne so
banne qualités et fine dire ene dimoune qui éna banne tels qualités comment Allah
pour laisse li tomber, ene qualité qui li fine dire la-dans c’était Mehmaan Nawaazi.
Donc Mehmaan Nawaazi pas ene zaffaire ordinaire.
Et li ene de banne travail debanne prophétes. Travail qui Hazrat Massih Maoud (as)
fine gagner la dans enetravail trés important c’est Mehmaan Nawaazi.
Fine dire qui banne Mehmaan pour vini en grand nombre, pas fatiguer avec zotte. Donc chaque membre du Jamaat lireponsable pour faire ça travail la. Comment Hazrat Massih Maoud (as)
ti pe honore so banne Mehmaan, comment li ti pe prend li compte, nous trouve ça avec ene
anecdote. Ene fois Hazrat Massih Maoud (as) ti malade, quand li fine conner qui
Mehmaan fine vini, tout de suite li fine sorti et fine dire qui aujourd’hui mo pas ti
dans l’état pour sorti dehors, mais parcequi li droit du Mehmaan ça, li fine prend la
peine li fine vini c’est pourquoi mo fine sorti dehors pour accompli ça droit la. Banne
Mehmaan qui ti pe vine guette Hazrat Massih Maoud (as), c’était pour gagne
benedictions de so compagnie, et c’était parcequi Massih Maoud (as) ti pe dire vini.
Aujourd’hui banne Mehmaan qui pe vine cotte nous ou qui pour vini, zotte
aussi d’aprés l’ordre de Hazrat Massih Maoud (as) zotte
pe vine pour tire profit de ça Tarbiyyat la, zotte pe vine dans ça Jalsa qui Hazrat
Massih Maoud (as) fine commencer la, et capacités qui banne membres Jama’at
éna, fine conseille zotte pour vine la dans. Donc banne Mehmaan qui pe vini zotte
banne Mehmaan de Hazrat Massih Maoud (as) et li devoir de chaque officier pour
faire service de ça banne Mehmaan la, pas donne zotte aucun difficulté, accompli
banne attentes avec lesquels zotte vine içi. Banne qui vine pour Jalsa zotte vine
normalement pour Jalsa, pour quelques jours, et après zotte allé, et zotte depuis
banne coins du monde. Pareil coumma mo fine dire zotte vini a cause ça Jalsa la, li
ene Jalsa Internationale.
Hazrat Muhammad (saw) fine dire ‘donne zotte banne
Mehmaan zotte droits qui zotte mériter’. Et ça c’est Mehmaan Nawaazi de 3 jours,
ou quelques jours. Mais qui ti niveau de Mehmaan Nawaazi de Hazrat Muhammad
(saw). C’etait pas Mehmaan Nawaazi de 3 jours ou quelques jours mais ene
mehmaan nawaazi en permanence.
Dans Hadith dire qui banne dimounes qui ti vine apprane la religion, presque tout
le temps, zotte ti cotte la porte de Hazrat Muhammad (saw), donc zotte ti comment
banne mehmaan, comment Hazrat Muhammad (saw) ti pe accompli zotte banne
necessités. Maalik Bin Abi Aamir rapporter qui ene dimoune fine alle cotte Talha Bin
Obeidullah et fine commence dire qui O Abu Mohammad, est-ce qui to pas trouver
qui Abu Huraira (r.a) li conne plus qui tout banne paroles de Hazrat Muhammad
(saw), nous fine gagne pour tanne banne tels Hadiths de li qui nous pas tender
de toi. Lors la, li fine dire péna aucun doute la dans. Li fine tanne banne paroles
de Hazrat Muhammad (saw) qui moi mo pas fine tender, et so raison c’est qui li ti
pauvre et li ti Presque tout le temps le Mehmaan de Hazrat Muhammad (saw). So
la main ti avec la main de Hazrat Muhammad (saw). Nous nous ti banne dimounes
riche et nous ti pe alle cotte Hazrat Muhammad (saw) parfois le matin, parfois le
soir. Donc ça ti banne dimounes qui fine donne priorité Deen lors le monde qui zotte
fine oublier tout et fine vine Mehmaan permanent de Hazrat Muhammad (saw).
Hazrat Abu Huraira (r.a) rapporter qui a ene l’occasion li ti bien bien faim.
Ene longue Hadith sa, en bref a ça l’occasion la Hazrat Muhammad (saw) fine trouve
so situation et fine amene li so la cage et ti éna ene recipient du lait. Hazrat
Muhammad (saw) fine dire Hazrat Abu Huraira (r.a) aller autant banne dimounes
qui pe assiser, apelle tout. Li dire mo ti extra faim, mone aller et fine apelle tout,
fine assise dans ene cercle, Hazrat Muhammad (saw) fine dire commence passe
ça recipient la a to droite, li dire li même qui mo situation ti tel, ti tellement affamer
qui mo fine penser qui premier droit li pour moi. Et chaque chaque fois qui recipient
pe passe d’ene dimoune a l’autre, dans mo le coeur mo pe penser qui ça pour
fini aster, mo pas pour gagner.
Coumme ça li ti tourmenter. Mais ti éna HazratMuhammad (saw) qui ti boire ene deux gorgés,
et ti éna benedictions la-dans et toutfine gagner. Donc comme ça ti éna Mehmaan Nawaazi,
avant Hazrat Mohamamd(saw) ti gagne tracas de ça banne dimounes.
gagne connaissance de Deen ti sacrifier tout quiquechoses, et ti banne Mehmaan
permanent. Aujourd’hui jour nous péna ça banne Mehmaan permanent la mais
pour apprane la religion, nous éna ça banne Mehmaan qui pe vini la sous nous
responsabilités, c’est pourquoi li nous devoir pour faire zotte Mehmaan Nawaazi.
Comment mo fine dire Hazrat Massih Maoud (as) fine categorise banne qui vine
Jalsa aussi comme banne qui pe vine apprane la religion. Afin qui zotte apprane
la religion et vine banne vrai musulmans.
Donc li nous devoir servir ça banne Mehmaan la. Li nous devoir parcequi
a part qui li ene l’ordre vénant d’Allah li aussi ene sunnat de Hazrat Muhammad (saw),
et li Allah so l’ordre pour suivre Sunnat. Dans ça l’époque la comment mo fine
dire Hazrat Massih Maoud (as) fine gagne ça grand responsabilité pour faire
Mehmaan Nawaazi.Donc dans ça aspet la, pourfaire banne travails de
Hazrat Massih Maoud (as),pour vine a so l’aide de toute lesfaçons,
ça travail de Mehmaan Nawaazi lanous besoin faire li de la meilleur façon.
Éna quelques banne anecdotes de Mehmaan Nawazi, dans l’époque de Hazrat
Massih Mawood (as) peut-être ou fine déjà écouter mais chaque fois écouter éna
ene nouveau aspet qui vine en avant, pour banne officiers éna banne leçons aussi
dans quelque anecdotes. Éna des fois a cause le temps ou ene lotte raison, banne
officiers qui travail zotte faire vite, surtout quand banne Mehmaan pe manger, et
ou agir d’ene certain façon devant zotte et éna des fois Mehmaan en colère, ou pas
ti besoin arrive ça devant li. Parfois a cause programme Jalsa pour commencer,
c’est pourquoi banne officiers faire vite dans la tente pour qui banne Mehmaan
mange vite et aller. Donc ce qui mo pour mentionner, zotte pour conne ça niveau de
Mehmaan Nawaazi qui besoin éna.
Hazrat Miyan Khairudin saheb sekhwani (r.a) dire qui ene fois mo fine vine Qadian
de mo village, quand mo fine arrive cotte Gol Kamra, ti éna Hazrat Massih Maoud
(as) qui ti pe manger avec quelques banne dimounes, mo fine alle endans et fine
faire Salaam, Huzoor fine dire vini, vine manger. Mo fine dire Huzoor mo fine fini
manger, Huzoor fine dire non vini, puisque manger ti fini, tous ti fini manger, Huzoor
fine faire arrangement roti et çari pour moi. Hazrat Khalifat Ul Massih Sani ti petit
et li ti ensemble, zotte fine mette so reçipient çari devant moi. Mo fine commence
manger et fine mange quelques bouches quand feu Miyansaheb qui ti frère de lait
de Hazrat Khalifat Ul Massih Awwal, li fine commencelève banne plats etc, et
dans vitesse fine même leve pour moi. Quand Huzoor finetrouve ça, bien durement
li fine reprimande li a cause qui faire li fine lève ça bannebartan
la devant li, et moi aussi mo pas ti éna ça la force la pour dire Huzoor laisse
li.Li fine mette bartan devant moi et mo fine commence manger et Huzoor fine
dire tanque qui mo pas dire, pas lève ça bartan la, donc mo fine mange quelques
bouchés et après mo fine fine lève banne zaffaires.
Donc c’est ene anecdote qui quand Mehmaan pe manger, laisse li mange
tranquillement, si Jalsa pe commencer ou Namaz pour alle commencer, banne
officiers presser, et department tarbiyyat aussi essaye pour faire tous banne
dimounes aller pour gagne Namaz etc, donc besoin gagne assez le temps pour
manger, et si quelqu’un fine vine en retard besoin laisse li manger tranquillement.
Oui besoin dire zotte qui autant le temps fine rester pour Jalsa ou Namaz. Mais
pas besoin commence leve plats ene seul coup a cause ça pas accompli droits de
Mehmaan Nawaazi.
Nous conner qui niveau ti été le Mehmaan Nawazi de Hazrat Massih Maoud (as)
et qui li ti attanne de so banne suivants. Li fine dire qui li mo pensée tout le temps
qui Mehmaan besoin pas gagne probleme. Et mo dire tout le temps pour qui autant
qui possible donne Mehmaan tous facilités, tranquilités. Mehmaan zotte les cœurs
comment ene mirroir, li fragile, li casser avec ene ti choc. Li dire avant ça mo même
mo ti pe mange avec banne Mehmaan mo même mais depuis qui mo fine malade
et fine besoin mange banne zaffaires different, mo pas fine capave continuer pareil.
Et aussi nombre de banne Mehmaan ti augmenté tellement qui place même, pas ti
éna.
C’est pourquoi par obligation mo fine besoin mange separer. Chaque dimoune
éna permission pour présente so difficulté, éna dimounes qui malade et capave cuit
banne les autres zaffaires pour zotte.La-dans fine attire nous attention
lors 2 zaffaires important, et chaque officierbesoin porte attention lors la,
pas juste officier qui éna connection avec repas,mais chaque officier qui éna
quique travail ça li ene conseil pour li. Fine dire donne
facilité donne tranquilité a banne Mehmaan autant qui possible, et ça li pas juste
pour manger, mais aussi pour place cotte li pour rester, aussi pour traffic control,
parking etc parcequi parfois éna banne Mehmaan subir banne difficultés et éna
banne complaintes qui vini, qui de bien loin nous fine vini et nous fine besoin park
loin et marcher etc ou bien nous fine en retard etc. De la même façon besoin porte
attention pour banne toilettes etc, besoin bien nettoyé.
Besoin guette ça banne arrangements d’aprés banne manquements qui ti éna l’année dernière.
Éna banne mehmaan étrangers qui vini banne arrangements qui zotte pas besoin attane
longtemps, besoin éna meilleur arrangements pour banne mamans avec banne
besoin attane surtout dans la pluie ou gros soleil.
Fine dire Mehmaan so le coeurcomment ene mirroir, li fragile,
li bien important prend ça compte, si donne tous
banne facilités pas pour éna complainte, mais la aussi si éna ene Mehmaan a cause
so maniere, so temperament li faire quique complainte ou dire quiquechose qui
pas besoin, banne officiers besoin prend patience et pas réponne. Surtout banne
officiers de securité besoin éna bon arrangements dans la tente et en dehors aussi.
Et dans banne situations d’aujourd’hui d’ene façon cotte personne pas blesser.
Et si éna quiquechose besoin informe officier en charge mais na pas faire tapage.
Et avec banne étrangers besoin éna bon traitements. Ene bon manière c’est ene bon Tabligh.
Parcequi beaucoup banne dimounes qui vine dans le Jalsa zotte influencer par ou banne manieres.
Avant quand nombre ti peu, Hazrat Massih Maoud (as) ti pe mange avec banne
Mehmaan mais quand nombre fine augmenter et a cause so la santé li fine besoin
mange séparement. Et maintenant par la Grace Allah Jama’at li bien bien grand, li
pas possible pour le Khalifa de l’époque assise ensemble et manger ou bien prend
chacun compte individuellement. Après éna les autres zaffaires pour occuper aussi.
Pour joinne Mehmaan ça aussi ene travail, éna les autres travails. C’est pourquoi
chaque department besoin faire so travail de crèer facilités pour Mehmaan le
maximum possible. Le Khalifa li éna ça attente la de banne officiers et chaque
officier besoin essaye accompli ça l’attente la. Éna ça l’attente la qui zotte pe
accompli droit de Mehmaan.
Chaque officier besoin essaye montrer exemple de
zotte banne haute qualités. Banne qui vini zotte réaliser qui ça banne dimounes ki
pe travail la zotte reste proche avec le Khalifa de l’époque et zotte niveau li
surement haute et li besoin comme ça. Niveau de ibaadat aussi, niveau de Neki
aussi, niveau de banne haute qualités. Ene officier besoin penser qui pour juste
accompli so travail pas suffit, au contraire besoin éna l’attention lors Namaz et
ibaadat surtout dans ça banne jours la. De la même façon besoin porte attention
lors les autres Nekis, haute qualités morales, c’est ene aspet permanent d’ene
officier qui pe faire travail Jamaat, mais dans banne jours Jalsa surtout ça besoin
reflecter. Banne conseils qui mo pe donner mo pe pense banne jours de Jalsa
quand ti éna dans Rabwah, et comme ça même ti pe donne conseils par le Khalifa
de l’époque. Et chaque Ahmadi de Rabwah qui li ti fine donne so nom pour travail
ou non, li ti pe suivre ça conseil la. Ti éna beaucoup banne zefforts et banne
préparations. Mais maintenant péna Jalsa la-bas a cause la situation, faire doahs
pour ça banne Ahmadis de Rabwah et de Pakistan afin qui Allah combler zotte
banne manquements.
Comment mo fine dire qui péna aucun doute qui chaque année banne de
l’Angleterre faire efforts pour accompli droits de Mehmaan Nawazi. Chaque officier
faire efforts pour accompli ça droit la. Ti éna ene le temps cotte ti pe dire qui le
Jama’at de UK péna capacité et potentiel pour prend conte et organize le Jalsa. Et
jusqu’a quelque années après l’arrivée de Hazrat Khalifat Ul Massih Rabbe
Rahemoulla ho tallah dans UKCertaine banne responsable et banne officiers ti pe vini
depuis la bas ti pe vine aide ou.
Mais maintenant par la Grace d’Allah banne officiers et banne travailleurs aussi
zotte experiencé et zotte faire le travail dans ene excellent façon. De ça façon la,
banne manquements qui ti éna fine fini combler. Mais a cause éloignement de ça
manquement la, a cause zotte fine gagne ça çapacité la et a cause zotte expertise
dans le travail bisin éna plus humilité dans chaque responsable et chaque officier.
Donc tout le temps porte attentions lors la. Par la Grace d’Allah banne rapports qui
vini tout le jours depuis officiers Jalsa salana, de ça nous trouver qui zotte faire
efforts alle en profondeur de chaque chose, Maasha Allah. Et banne travail pe faire.
Qui Allah aide chaque officier et chaque responsable a faire zotte travail dans ene
excellent façon. Banne hommes aussi, madames aussi et banne enfants aussi. Ene
affaire mo envie dire ici aujourdhui. Pareil coumma mo fine dire qui a cause
situation de nos jours nous porte plis attention lors la securité. Et ça c’est trés
important. Lors la pas capave éna aucun manquement et ni capave et ni bisin éna
aucun compromis.
sentiments et passion des autres. Banne qui vini pour participe dans le Jalsa. De
toute façon banne officiers de securité zotte pas bisin prend la loi dans zotte la
main. Si jamais éna ene tel affaire be avec sagesse et en toute tranquilité bisin deal
are ça. Dans ça context la banne Ahmadis qui améne banne Mehmaan avec zotte
ou zotte envie amene Mehmaan avec zotte, mo dire zotte qui depuis avant même
zotte bisin fini dire à propos de banne Mehmaan qui zotte envie amener. Et zotte
bisin fini dresse ça avec banne organisateurs.
Afin qui après ni banne Ahmadi quifine améne Mehmaan faire complainte qui
fine éna trop beaucoup securité check. Pas fine laisse nous participer
ou soi pour nanrien fine faire nous gagne retard.Ou soi pour certaine raison fine rejetter et pas fine laisse rentrer.
Et quand arrive bannetel affaires be pour Mehmaan qui vini la aussi li ene source de tracas et
embarassement. Donc li pas bisin coumme ça. Donc prend ça conte parcequi si pas
conne ene dimoune be bien sure bisin enquette un peu plis. C’est pourquoi si ou
éna pour amene quelqu’un avec ou be depuis avant même bisin dresse tout avec
organization. Et ça aussi quand éna ça banne organization la içi et chaque Ahmadi
bisin traverse par ca banne affaires la. Donc ça guide la quoique qui li pas ti pour
banne responsable mais puisque ti bisin dire ça içi c’est pourquoi mo pe dire qui ça
travail la bisin faire bien avant. Maintenant éna ene semaine encore, si éna
quelqu’un qui envie amene quique Mehmaan be fini dresse ça avant. Parcequi
après mo recevoir certaine lettres. Et si banne organisateurs refuser aussi pour
quique raison be ou bisin comprend obligation de banne organisateurs.
Bisin comprend zotte et pas faire complainte.
Et banne organization aussi bisin deal et solutionne ça banne affaires la avec
sagesse afin qui après personne péna complainte.
Et ça même excellent qualités morales qui nous bisin montrer. Ça aussi
mo envie dire ouvertement qui banne Ahmadis qui pour améne banne Mehmaan
Reyr Ahmadis zotte bisin conner quelle est la situation qui pe prevaloir dans le
monde et surtout contre le jama’at certaine banne groupe qui envie creer desordres
zotte fine bien active. Zotte faire banne efforts pour cause nous ditort. C’est
pourquoi banne qui pour amene banne Mehmaan reyr Ahmadi faudrait pas faire
banne dimoune la vine Mehmaan juste lors banne connaissance superficielle. Au
contraire ou bisin éna totale consolation et ou bisin conne li bien depuis ene bon
boute le temps. Si ou éna pour améne ça banne dimoune la comme Mehmaan ça
banne la capave amener. Et ça aussi coumma mo fine dire qui avant même fini
dresse tout avec banne organisateurs depuis avant même.
Finalement mo re attire l’attention encore ene fois qui prend compte Mehmaan
Nawazi de banne Mehmaan et surtout banne Mehmaan de Hazrat Massih Mawood
(as), prend li comme ene prepare ou pour faire sacrifices de banne passion
et sentiments etc. Qui Allah donne l’occasion à chaque responsable pou faire ainsi.
Et surtout mette beaucoup l’emphase lors doahs. Qui Allah faire le Jalsa bien
béni dans chaque aspet. Et qui tout banne arrangements prêt a temps.
Et qui chaque officiers faire zotte banne travail dans ene excellent façon. Aamìn.
Grace divine. Et pour ça beaucoup plis qui avant Le Acting Amir Saheb dire ki couma
banne membres conner, aujourd’hui Insha Allah le Jalsa Salana de l’Angleterre
pé commencer et pour durer jusqu’à Dimanche.
Donc, nou faire ène appel à tous banne membres indistinctement pou faire ène
devoir suivre le déroulement du Jalsa lors MTA, surtout banne interventions de
Huzur ki pou éna lieu comme suit:
Zordi à partir de 16.00 hrs (heure Maurice) pou éna Khutbah Jumu‘ah et
ensuite le soir vers 19.30 hrs (heure Maurice), Huzur pou addresse banne
membres.
Samedi à partir de 15.00 hrs (heure Maurice), Huzur pou addresse banne
Lajnas et le soir à partir 19.00 hrs (heure Maurice), Huzur pou faire so
discours connu comme ‘discours bilan’.
Dimanche à partir de 19.00 hrs (heure Maurice), Huzur pour faire le discours
de clôture.
Aussi, Dimanche vers 16.00 hrs (heure Maurice), pour éna le A‘lami Bai‘at. Et là,
nou ti pou demande banne membres pou rassembler dans zotte banne masjids
respectifs pour ça cérémonie-là, si éna arrangement dans zotte masjids. Sinon,
suivre-li lacaze mème. MAIS, c’est ki très important, c’est ki tous banne membres
bizin faire zotte ène devoir participe dans le A‘lami Bai‘at.
Leave a Reply