Du’a Pour Enfants

Khutba

14.11.08

Bismillah Ir Rahman Ir Rahim

Traduction Khutba Jummah qui Hazrat Ameer Oul Momeneen, Khalifat Ul Massih Al-Khamis ti faire Vendredi dernier le 14 Novembre 2008 dans Baitul Futuh, Morden.

Après Sura Fatiha, Huzoor dire ene nom d’Allah c’est aussi Wahaab. Banne differents commentateurs fine donne plusieurs signifiçations,mo fine prend signifiçation de Lissanul Arab. Fine dire qui Al Wahaab c’est ene attribut d’Allah c.a.d Al-Munimo, li faire faveurs lors So banne serviteurs. Comme ça même ene attribut d’Allah c’est Wahibul. Fine écrire qui Wahab est ene attribut d’Allah et quand li donne beaucoup comme ça, celui qui donner la appelle li Wahaab. Ça mot la li servi pour banne dimounes aussi, mais vrai Wahaab c’est Allah So être. Qui donne so banne serviteurs beaucoup même quand zotte demander ou pas demander aussi. Ene vrai croyant si réfléchi, li trouve images d’Allah So attribut de Wahaab a chaque instant. Et c’est ça même qui faire nous conne nous Allah vivant. Mais celui qui ingrat li pas trouve Allah So banne faveurs. Celui qui guette avec ene regard mondaine, li penser qui le monde meme li ene moyen pour qui li gagne banne quiquechoses.

Allah fine servi ça mot la dans Quran dans banne différents places, et fine servi ça attribut la aussi. Fine mentionne aussi So banne faveurs lors banne prophètes et banne bon dimounes aussi. Et d’après So attribut fine aussi attire l’attention vers doahs, dans lequel ena doah pour banne bon zenfants, doahs pour la société, doahs pour augmenter dans takwa, pour renforci imaan. Ena plusieurs doahs qui fine mentionner. En ce moment la ene aspet qui mo pour mentionner en référence avec ça banne doahs la. Allah fine dire a générations de banne croyants pour garde en vue but de zotte création, au contraire pour accompli ça but la fine attire zotte l’attention lors la, fine dire a banne missiers faire doahs pour zotte madames, fine dire a banne madames aussi faire doahs pour zotte missiers et zenfants afin qui ça serie de neki la li continuer et li passé de generation en generation.

Allah dire dans verset 75 de Sura Al-Furqan. Wallazina Yakuluna Rabbana Hablana Minazwajena Wazuriyatena Qurrata Ayoniw wajalna lilmuttalkina Imaama. Et banne qui dire: Nous Seigneur, accorde nous de nous conjoint et banne zenfants vine fraicheur de nous li yeux, et faire de nous banne qui craignent Allah le plus. Vine ene Imam de banne Muttaki.

Ça c’est ene grand doahs, faire vine fraicheur de nous li yeux pour chacun, et de nous zenfants aussi, faire nous gagne banne zenfants qui vine fraicheur de nous li yeux. Quand Allah pe enseigne pour demande fraicheur de li yeux, Allah fine montrer doahs qui banne dimounes pas conner qui illimitter mais qui seulement Allah conner. Qui ene dimoune pas çapave même imaginer. Et pas seulement fine dire marche lors banne nekis qui Allah fine dire dans Quran, missier madame vine fraicheur de li yeux de zotte prochain, au contraire après la mort a çause ça banne nekis qui ene dimoune faire dans ça le monde la, Allah li recompense li pour ça.

Après la mort d’ene croyant, so bon zenfants li continuer neki de so banne parents. Ene croyant li faire doahs pour qui li gagne banne bon zenfants, qui eleve so stage, qui faire les autres nekis pour augmente so stage. Donc doahs pour nekis de banne zenfants et doahs pour parents, dans l’au-dela aussi ça faire ou li yeux gagne fraicheur. Allah dire personne pas conner qui en retour de so banne actions, qui fine çachet pour li dans fraicheur de so li yeux. Ça fine dire pour banne dimounes qui a çause takwa garde crainte d’Allah dans le coeur, zotte porte attention lors Allah so ibaadat, zotte depense dans chemins Allah et faire banne les autres nekis. Zotte lever la nuite et marche lors chemin droite et faire zotte banne zenfants marche lors chemin droite. Zotte demande ene tel fraicheur des yeux avec Allah qui so connaissance seulement Allah qui ena. Zotte demande doahs pour zotte zenfants, mari demande doahs pour so madame, madame demande doahs pour so mari, qui tout ça la zotte reste établi lors le takwa. Et Allah donne zotte récompenses dans ça le monde la aussi, et dans l’au-dela aussi zotte gagne Allah so proximité.

Donc ça c’est doahs pour Allah so banne serviteurs qui Ibaadur-Rehman, qui faire neki et demander. Et zotte essaye quitte banne tel generations derrière zotte qui marche lors le takwa. Allah fine enseigne nous ça doahs la et fine attire nous l’attention lors ça travail important la qui pas seulement vine ene moyen pour gagne so plaisir pour nous, mais pour banne generations a venir zotte vine heritiers d’Allah so banne faveurs. Quand fine dire Wajalna Lil Muttakina Imaama fine dire çapave gagne fraicheur li yeux pour possible quand zotte aussi marche lors takwa et ou banne zenfants aussi. Si ou actions li pas tel qui montrer takwa, ou pas pour çapave vine Imaam de banne muttaki dans ou cercle.

Donc chacun d’entre nous besoin analyse nous meme qui est-ce qui avec ça doahs la nous pe marche lors le takwa, est-ce qui pour tarbiyyat de nous zenfants nous pe essaye accompli banne conditions qui faire zotte marche lors le takwa. Si dans ménage, mari et femme pas pe marche lors le takwa, coumma zotte pour çapave trouve signe d’acceptations de doahs en faveur de zotte banne zenfants. Ensuite si takwa li objectif, be comment zotte çapave tire profit avec benedictions de Khilafat et le Jamaat. Pour Khilafat Allah fine mette conditions de bon actions, si pena takwa comment çapave ena bon actions, ou si pena bon actions pena takwa, et si pena takwa zotte pas çapave vine Qurratul Ain pour zotte prochain et ni zenfants çapave vine Qurratul Ain. Fraicheur de li yeux. Donc pour qui banne zenfants aussi vine Qurratul Ain, Pour vine fraicheur li yeux, besoin porte attention lors ibaadat, lors nous situations. Qui est-ce qui nous pe essaye gagne ça stage la?

Ça conseil qui H.Mohammad s.a.w fine donner en connection avec ebadat de banne mari et femmes, li dire qui Allah faire miséricorde lors ça missier qui lever dans la nuite et lire le namaz, et leve so madame, si li pas lever, li besoin jette un peu de l’eau lors so visage afin qui li lever. De la meme façon qui Allah faire misericorde lors ça madame qui lever dans la nuite et lire le namaz, et leve so missier, si li pas lever, li besoin jette un peu de l’eau lors so visage afin qui li lever. Donc ça banne devoirs la li pour missiers et madames tout le deux afin qui zotte porte attention lors zotte ibaadat, afin qui zotte banne generations aussi vine Qurratul Ain. Ena banne missiers qui faire complaintes, laisse lever dans la nuite, meme si leve zotte madame pour le namaz Fajr zotte faire paresse dans banne les autres namaz aussi. Banne tells dimounes comment et avec qui la bouche zotte faire ça doahs Rabbana Hablana Minazwajena Wazuriyatena Qurrata Ayoniw wajalna lilmuttalkina Imaama, comment est-ce qui zotte çapave cherche fraicheur li yeux dans zotte banne zenfants? Comment est-ce qui zotte çapave attane d’Allah qui ça doah qui zotte faire en faveur de zotte banne zenfants? Oui si Allah envie faire so la Graçe pena personne qui çapave empeche li, li le Maitre. Mais pour montrer banne exemples de takwa c’est Allah so commandements, pour redresse ou situation aussi c’est commandement d’Allah, si ou envie tire profit de so la Graçe.

Donc banne qui attane et ena espoir qui zotte banne zenfants vine fraicheur de zotte li yeux, banne qui ena ça desire la, zotte besoin aussi garde en vue ça parole de H.Mohammad s.a.w la qui pena nanrien plus grand çadeau qui ene papa donne a so zenfant ou çapave donne a so zenfant qui ene meilleur tarbiyyat. Et çapave ena ene bon tarbiyyat quand dimounes la so actions li tel qui li vine ene exemple pour so banne zenfants, Niveau de ibaadat aussi li bon, les autres actions aussi li bon. H.Massih Maoud a.s commente lors ça verset la et dire qui Allah çapave donne nous fraicheur li yeux avec nous madames et zenfants, et ça nous çapave gagne ça quand dimoune la li pas amene ene la vie de inutiles de gaspillage au contraire li amene ene la vie de serviteur d’Allah. Et li donne Allah priorité lors tout. H.Massih Maoud a.s dire qui plus devant fine dire wajalna lilmuttalkina Imaama. Si ene zenfant li bon, li ene muttaki, c’est pour so Imaam. Donc avec ça ena aussi doah de muttaki. Premier c’est responsabilité a banne missier pour qui zotte faire zotte marche lors banne chemins qui faire zotte vine banne Ibaadur Rehman. Banne madames aussi comme gardiens de zotte la çage zotte ena ça responsabilité la pour marche lors le takwa et faire tarbiyyat de zotte zenfants et missier. Afin qui zotte vine ene meilleur partie de la société. Mais pour tarbiyyat de banne madames, c’est banne missiers qui besoin faire le premier pas. Quand tout les deux pour marche lors le neki, lers la banne zenfants aussi pour marche lors le neki. Doahs de tous les deux pour aider dans tarbiyyat de banne zenfants.

Ça Hadith mo ti fine mentionner avant, qui si missier leve avant li besoin leve so madame, et si madame leve avant li besoin leve so missier. Ça li possible quand mari et femme ena amour entre zotte, ena ene comprehension entre zotte. Qui nous besoin faire nous ibaadat dans la nuite et protége nous namaz, c’est pourquoi nous besoin aide nous prochain pour lever le matin, si pena ça comprehension nous gagner ça banne complaintes la qui parfois quand mari la pe dormi et so madame leve li pour namaz pauvre diable coumma dire so journée fini. Et apart tanne banne causer severe, parfois madame la gagne batter aussi. Et ça c’est situations de certains la çage,pratiquement pas ene exemple qui mo pe dire, be aller aller banne madames la soi zotte reste tranquille, li essaye protege so namaz ou vine sous influence de so missier. Et banne zenfants zotte çapave vine meilleur dans l’eduçation mais dans deen zotte alle gatter nette. Au contraire ena des fois banne zenfants zotte alle gatter completement.

Donc pour faire banne zenfants vine fraicheur li yeux, banne mamans papa besoin reforme zotte même, et besoin montrer ene exemple. H.Massih Maoud a.s dire qui li neçessaire pour nous Jama’at qui pour so pureté et pieté, enseigne banne madames la piete et pureté sinon zotte pour coupable. Et celui qui quand so madame devant li, li çapave dire li qui to ena tel ou tel defauts, lers la comment ene tel madame la pour peur Allah. Quand pena takwa, lers la zenfants aussi vine gatter et malpropre. Et purete de zenfants li besoin ene zaffaire de tayyebaat qui continuer passer aller meme. Si pena ça zenfants la alle guetter. Donc zotte tout besoin faire tauba, et banne madames besoin montrer zotte banne bon exemples. Ene madame li comment dire ene espion pour so missier, li pas çapave garde so banne mals çachet, comment dire banne madames zotte banne la grain çachet. Besoin penser qui li prend tout l’effet qui ou faire lors li. Quand missier la pour lors chemin droite lers la li pour peur li, et Allah aussi. Fine dire autant qui missier la li pour augmenter dans takwa et so banne çapacites, madame la pour prend ene partie.

Donc ça c’est attente qui H.Massih Maoud a.s fine ena avec chaque missier Ahmadi. Ça banne paroles la besoin unir nous. C’est ene tres grand responsabilite lors banne missiers. Avant banne madames ti ignorants, moins eduquer, maintenant par la Grace d’Allah ça lumiere de connaissance la li dans banne madames beaucoup plus qui avant. Donc banne tells madames ena dans le Jamaat, qui a çause severite de zotte missier zotte alle assise ene cote et essaye faire zotte nekis, zotte tourmenter et traçasser. Plus qui banne missiers, banne madames qui gagne traças tarbiyyat de zotte banne zenfants. Et ena des fois arriver qui a çause zotte missier tellement gatter, banne madames la prefere separation. Et ensuite ça ena mauvais l’effet lors zenfants. Dans ene tel societe comment içi cotte li très important pour zenfant la ena guidance de so papa, comment zotte vine dans jeunesse zotte commence gatter. Tout ça la c’est banne missiers qui responsables. Banne tells missiers besoin gagne traças qui nous Allah pour nous existence et existence de nous banne generations, pe enseigne nous ene doahs. Et quand Allah pe montrer ou ene doahs, li veut dire qui li envie accepter li. Et dans mot Hablana veut dire qui Allah li pas envie quiquechose de ou. Pour ameliore ou le monde, existence de ou generations, pour qui zotte marche lors droit chemin li pe recompense ou. Si ou marche lors la ou pour vine heritiers de banne recompenses.

Donc nous besoin analyse nous meme et essaye marche lors banne chemins qui faire nous gagne Allah so plaisir. Tout le temps garde la paix de ou la çage aussi, et tout le temps garde fraicheur de ou li yeux avec ou banne zenfants. Et en verité dans chaque la çage Ahmadi ena banne dimounes qui reste établi lors le takwa. Dans ene société Ahmadi chaque dimoune besoin marche lors le takwa et c’est ça meme quiquechose qui pour faire nous gagne récompenses de Khilafat, et c’est ça même quiquechose qui pour faire ou accompli le droit d’être dans le Jamaat du Massih O Mahdi qui fine vine sous esclavage de H.Mohammad s.a.w. Donc chanceux est banne d’entre nous qui comprend ça verité la, quand nous demande avec Allah Wahaab, Allah dans ça le monde la aussi et dans l’au-dela li donne banne tels façons de Qurratul Ain qui ene dimoune pas çapave même imaginer.

Concernant zenfants mo envie dire quiquechose içi a çause ça pe vine raison pour lequel certains banne la çages pe çasser. Ou bien a çause mauvais relations entre mari et femmes ça pe ena mauvais l’effets lors banne zenfants. Et ça c’est qui ena relations entre mari et femmes, ou bien ena missier qui reste tout le temps en colère avec zotte madames qui faire pas pe gagne garçon, qui faire fine gagne seulement ti fille. Allah dire qui regne des cieux et de la terre li pour Allah, li creer celui qui li envie, li donne ti fille a celui qui li envie et donne garcon a celui qui li envie. . Maintenant Allah dire li donne ti fille a celui qui li envie, et donne garcon a celui qui li envie, ene lotte place dire qui li donne garcons et ti filles tous les deux. Ce qui Allah fine donner, pour blame quelqu’un pour ça li loin de takwa. Ça banne moyens de traitement qui Allah fine donner dans ça l’époque la, quand servi ça, ena qui gagne beaucoup de bienfaits, et banne qui ena desire gagne garçon zotte gagne li a travers ça banne methodes la. mais la aussi ena des fois Allah li faire conne so volonté. Même combien traitement ou faire, ça pas faire nanrien. Donc pour ça, ranne la vie de madame la difficile ou bien pas donne banne ti filles la l’amour d’ene papa, ou çause travers avec zotte a chaque instant, ça creer ene la haine pour papa la dans le coeurs de banne ti filles la. Quand ena banne tells ças qui vine en avant ou reste étonner qui dans ça l’epoque la aussi ena banne dimounes qui faire dominere lors zotte ti filles pareil comment ti pe ena dans banne l’epoque d’ignorance de banne Arabes. Donc ça c’est banne paroles d’ignorance, chaque Ahmadi besoin chapper avec ça.

Mo conne ene famille Ahmadi, c’est ene zaffaire assez longtemps. Li fine gagne 4-5 tifis, li fine faire deuxieme marriage pour gagne garcons et fine gagne 2-3 tifis avec deuxieme madame la et fine marier ene 3eme fois pour gagne garcon, fine gagne 3-4 tifis. Fine marier 4eme fois et la aussi Allah fine donne li tifi meme. Finalement premier madame la avec qui li ti gagne 4-5 tifis, avec li meme so premier garcon fine né. Donc ça c’est Allah so volonté, li donne a celui qui li envie. Donc si ena pour demande zenfant, demande garcon, au lieu qui la guerre entre ou, crèer tourmente dans la çage, plitot reste établi lors takwa et demande avec Allah. Et demande banne bon zenfants. Fine dire ene place Rabbe habli Minaswaleheen, O mo Maitre donne moi banne bon zenfants. Ene place fine enseigne ça doah la Rabbe Habli Minladounkazuriyatan Tayyeba O Mo Maitre donne moi banne zenfants pure.

Donc tout le temps faire doahs et gagne desir pour banne tells zenfants qui pure et qui parmi bane saaleheen. Et tout le temps besoin demande doahs pour zotte Qurratul Ain. Quand ena dimounes demande moi pour faire doahs pour qui zotte gagne garcon, mo dire zotte demande banne bon zenfants qui en bonne santé. Ena des fois banne ti filles zotte gagne traças zotte parents plus qui banne garcons, pli bon aussi,zotte vine ene bien-être pour zotte parents. Alors qui banne garcons ena des fois zotte faire ou gagne deshonneur faire ou gagne tracas. Donc signe d’ene croyant c’est qui li besoin demande banne zenfants bon et droite. Ensuite tout le temps besoin faire doahs qui zotte vine fraicheur de ou li yeux, sinon qui serti ou ena banne zenfants qui vine ene source de deshonneur pour ou. Mo gagne plusieurs lettres cotte banne parents faire part de zotte traças a çause zotte zenfants pe égarer, ena qui vine joinne moi et exprime zotte traças. Donc vrai quiquechose c’est la paix de le coeur, et gagne banne bon zenfants. Si pena ça pas vaut ena banne zenfants.

Ce qui H.Massih Maoud a.s fine dire pour Saaleheen, fine dire qui dans banne saaleheen, pena aucun sorte de maladie spirituel et pena aucun désordres. Donc ça c’est stage qui nous besoin demande doahs pour nous banne zenfants, et nous besoin essaye marche lors la nous même afin qui dans banne generations a venir ça zaffaire de nekis la continuer aller meme. Et de generations en generations, ça creer fraicheur de li yeux aller meme. Et zotte vine ene l’honneur pour le Jama’at, pour la famille. Et comment mo fine dire li pas possible tant qui nous pas porte ene regard lors nous situation et pas porte attention lors la, tant qui nous pas vine parmi banne saaleheen et pas marche lors le takwa.Donc besoin essaye marche lors la, mette ça en pratique. Qui Allah donne nous ça l’ocçasion la.