Namaz / Nizame Jama’at

Khutba

21.11.08

Bismillah Ir Rahman Ir Rahim

Traduction Khutba Jummah qui Hazrat Ameer Oul Momeneen, Khalifat Ul Massih Al-Khamis ti faire Vendredi dernier le 21 Novembre 2008 dans Baitul Futuh, Morden.

Après Sura Fatiha, Huzoor fine reçite verset 9 de Sura Al-Imran. So traduction li comme suit: O nous seigneur, pas laisse nous le coeur dévier après avoir qui to fine guide nous. Et accorde nous de to part miséricorde, assurement to le le pli miséricordieux.

Ensuite Huzoor dire ça verset qui mo fine lire la ou fine tanne so traduction. Et la-dans fine mentionne attribut de Wahaab d’Allah et a travers ça pe demande renforçement de ou Deen. Ene c’est l’ocçasion qui fine donne nous pour accepter l’Imam de l’époque, d’après prophetie de H.Mohammad s.a.w, ça l’ocçasion qui to fine donne nous O Allah, to fine accepter doahs de to banne bien-aimés, et dans ummat de H.Mohammad s.a.w, parmi banne Aakhereen to fine envoye amoureux de H.Mohammad s.a.w, et avec to la Graçe et miséricorde to fine donne nous l’ocçasion pour être dans so Jama’at. Et ensuite H.Mohammad s.a.w qui le être qui to plus content, so prophétie qui certainement li fine faire c’était après qui li fine gagne nouvelle de toi, qui après le Massih et Maoud, institution de Khilafat pour continuer pour tout le temps, et quand nous pour reste attacher avec ça nous pour gagne ça banne bénédictions la qui attacher avec Jama’at de ça Massih et Mahdi la. O Allah to fine envoye to misèricorde lors nous et fine faire nous gagne ça organization la. Maintenant a çause nous banne erreurs, nous banne manquements, pas prive nous de ça banne bénédictions la.

Ene dimoune c’est ene jouet ene poupette rempli d’erreurs. Li faire banne erreurs, nous nous courber devant toi et demande toi qui jamais a çause ça raison la, a çause quique arrogance, fierté ,la haine, ou bien n’importe quoi, jamais nous trouve ça jour cotte nous le coeur fine dèvier ou bien a l’interieur de nous faire qui jamais aucun amertume crèer qui a çause nous banne actions qui malvu de to regard, et li prive nous de to misericorde. Donc tout le temps sappe nous de banne tel mauvais moments. Ensuite dans ça grand doahs la, pas fine enseigne nous doahs seulement pour être priver d’Allah so misericorde et so la Graçe. Fine enseigne ça doah la a ene croyant pas seulement pour qui pas seulement nous reste établi lors ça guide la, au contraire pour nous demande Allah pour donne nous la Graçe et envelope nous dans couverture de so la Graçe, qui sappe nous contre chaque mal tout le temps et faire nous progresser dans nous imaan tout le temps, progresser dans takwa, chaque jour qui vini devant faire nous augmenter dans imaan et Takwa plus qui banne jours precedents.

Donc ça li doahs la besoin ene zaffaire de tous les jours pour chaque Ahmadi. Et si vrai même ça pour comme ça, nous pour faire zefforts pour dèlaisse nous banne faiblesses aussi. Nous pour guette nous banne ibaadat, protége nous banne ibaadat et nous Namaz, Et en résultat de ça Namaz aussi pour protége nous. Nous pour faire zefforts faire banne tel actions qui Allah content. Parcequi ça même banne actions faire nous progresser dans nous imaan, faire nous reste établi lors guide. Pareil comment Allah dire certainement banne qui fine amène imaan et fine faire banne bon actions, zotte Maitre pour donne zotte guide a çause zotte imaan. Pareil coumma Allah fine promette a banne qui amene imaan et qui faire banne bon actions be Allah pour accorde zotte guide.

Donc quand li Allah so promesse qui quand avbec imaan ena banne bon actions, li vine ene moyen pour gagne guide, be ene croyant quand lire Rabbana La Tozikhkulubana, pour tire bienfaits de ça, pour garde so imaan renforçi, pour sapper avec chaque quiquechose travers, et avec doahs, li pour essaye faire so banne actions d’après Allah so banne commandements. Pour sappe so imaan, banne doahs qui nous faire, li pour gagne stage d’acceptations quand pour ça nous pour garde ene continuité dans nous ibaadat, et pour faire zefforts faire banne bon actions aussi et faire zeffort crèer banne relations fort avec l’organisation du Jama’at. Nous pas pour laisse banne tipti tipti zaffaires mondaines affecter nous imaan. Jamais nous pas pour laisse banne ti rancunes avec ene officier du Jama’at faire nous faire le Jama’at vine victime de nous banne mauvais paroles de banne objections. Donc quand ene dimoune faire ça doah la, lers la chaque moment avec ene zeffort li essaye sapper de banne obstacles qui ena en chemin. Si au niveau Jama’at d’après ça dimoune la fine ena quique mauvais deçision aussi, li besoin servi so droit qui li ena pour faire appel, et après laisse dans la mains Allah au lieu qui alle faire badzani lors Nizaam e Jama’at en entier. Besoin considère ene du tort mondaine comme ene épreuve depuis Allah et supporte li et passé la dans. Sinon si commence faire complaintes, li augmenter aller même et faire ou éloigner avec le Jama’at et faire badzani mauvaise pensée même contre le Khilafat.

Donc Allah fine enseigne ça doah la qui jamais pas donne l’ocçasion même dans nous le coeur pour qui nous çause contre le Jama’at. Nous banne actions besoin tel qui d’aprés Allah so volonté et qui jamais nous gagne complaintes contre l’organisation. Et si jamais ena ene tel situation aussi qui a çause nous faiblesse, nous passe par ene tel épreuve be faudrait pas ena ene tel situation qui faire nous imaan gagne cogner. Et a propos l’organisation du Jama’at, l’organisation du Khilafat jamais besoin ena aucun mauvaise pensée et pas mal juger. Et ça li pas possible tant qui pena Allah so misèricorde et so la Graçe. Après qui nous fine vine sous baiat de H.Massih Maoud a.s, nous pas besoin vine négligent. Au contraire nous besoin cherche Allah so miséricorde plus qui avant. Allah fine donne exemples de peuples de banne prophétes avant, parcequi zotte fine penser qui nous fine accepter, maintenant nous pas besoin aucun guide. Fine mentionne banne juifs et banne chrétiens dans ça verset la qui guide qui Allah fine metter pour après, zotte fine rejette ça et fine égarer.

Donc quand ena badzani, ene dimoune so connaissance, so pensée li limiter. Et ça même vine raison de zotte égarement. Et pas seulement zotte le coeur fine dévier. Au contraire fine inclure zotte dans Maghzoubbe walazwaleen .Allah fine faire nous lire le Sura Fatiha dans chaque rakaat de chaque Namaz afin qui nous tire leçon de ça banne dimounes la, et nous cherche Allah so miséricorde et so la Graçe a chaque instant, et qui nous le coeur pas dèvier. Sinon pareil comment banne zotte deen ti fine fini et zotte ti fine oublier zotte relation avec Allah, attention ou aussi oublier pareil. Mais par malchance, malgré ça doahs qui ena dans 5 fois namaz, la majorité de banne musulmans zotte pe alle lors ça même chemin la zotte pe suivre banne la ene chemin qui pe amène zotte loin avec Allah. Et raison fondamentale c’est badzani et zotte penser qui zotte trop conner.

H.Massih Maoud a.s dire qui dans Sura Fatiha, Allah fine mentionne ça doah la Ehdenasseraatwal Mustakeen, Seratwal Lazina Anamta Alaihim Ghairil Maghdzouber Alaihim Waladoualeen. Dans ça place la Hadith la et banne commentaries fine prouver qui içi Maghdoube Alaihim veut dire banne mauvais juifs rebelles qui fine donne le Messie stage de kaafir et fine humilier li beaucoup et fine essaye tuer li, et lors qui H.Issa fine envoye malédictions. Et Aladouaaleen li ça groupe de dimounes égarer chretiens qui fine considere H.Issa a.s comme ene Dieu et fine établi zotte lors trinité. Zotte fine prend Jesus comme vivant et fine etabli li lors le Throne d’Allah.

Maintenant ça doahs la veut dire O Allah envoye ene tel la Graçe qui nous pas vine banne juifs qui fine donne Massih le stage de kaafir, et ni nous donne le Massih stage d’Allah. Parcequi Allah ti conner qui dans le dernier époque, dans ça ummat la le Massih Maoud pour vini, et certaine banne musulmans qui pour ena banne qualities juifs pour donne li stage de kaafir, et pour humilier li, et li ti conner qui dans ça l’époque la religion de la croix de trinité pour faire progrés, et banne dimounes malchanceux pour vine chrétiens. C’est pourquoi fine montrer banne musulmans ça doah la, et ça mot Maghdoube Alaihim la, pe dire ça a haute voix. Banne dimounes qui pour oppose le Massih de Islam, zotte aussi pour parmi banne maghdoube Alaihim pareil coumma banne qui ti oppose le Messie Israelite..

Donc nous banne Ahmadis nous parmi banne dimounes chanceux qui fine accepter le Massih Maoud et fine trouve doahs de Maghdoube Alaihim accompli dans nous faveurs. Et doahs de Adouaaleen aussi Allah fine accepter ça en nous faveur. Nous faire Allah so ibaadat.qui Allah garde nous établi lors la tout le temps. Mais ça commandement d’Allah pour faire doahs afin qui nous le coeur pas dévier, et qui jamais nous inclu parmi banne Maghdoube Alaihim et zouaaleen. C’est ene commandement pour lire ça. c’est pourquoi chaque Ahmadi besoin rapelle ça. Qui Allah donne l’ocçasion a banne les autres musulmans aussi pour comprend ça afin qui le peuple musulman vine dans le Jama’at de amoureux de H.Mohammad s.a.w, et montrer image d’unicité. Et chaque dimoune qui apelle li même musulman besoin quitte opposition de H.Massih Maoud a.s besoin vine ene suivant de prophéties de H.Mohammad s.a.w, veracité d’Allah so banne paroles. Et qui zotte comprend message fondamentales de ça doahs la.

H.Mohammad s.a.w ti pe lire beaucoup ça doah la: Rabbana Latuzikhkulubana Ba-daizhadaitana Wahablana Milladunka Rahmatan Innaka Antal Wahaab

Ensuite dans ene Hadith rapporter par H.Shahar r.a. Fine dire qui mo fine demande Umme Salma,r. Anha O Ummul Momeneen, quand H.Mohammad s.a.w ti cotte ou qui doah li ti habituer lire plis. Lors la H.Umme Salma fine dire qui li ti habituer lire ça doah la: Ya mokaleboul koloubbe sabbit kalbi ala deeneka.O celui qui devier banne le coeurs, garde mo le coeur établi lors to religion. Umme Salma dire qui mo fine demande Umme Salma raison de ça doah la. li fine reponne O Umme Salma, ene dimoune so le coeur li entre deux le doigts d’Allah, celui qui li envie garde so la foi ferme li pour garde li, et celui qui li pas envie garde so le coeur ferme li pour devier so le coeur.

Donc guetter coumma c’est ene stage de crainte. Et combien nous besoin lire ça doahs la pour qui nous empeche nous le coeur devier. Parcequi ça banne badzani la, tipti tipti complaintes la li amène ou tellement loin qui parfois ou quitte Religion même. Est-ce qui le coeur de H.Mohammad s.a.w ti çapave vine travers? Naouzobillah certainement non. Et jamais li ti çapave comme ça. dans so le coeur apart rapelle Allah pas ti ena nanrien. Allah ti fine annonçe li qui adore moi,en résultat de ça Allah pour ena l’amour pour toi, et li pour pardonne to banne pechés. Donc jamais li ti question qui H.Mohammad s.a.w so le coeur vine travers. H.Mohammad s.a.w so lever, déboute, so la vie, la mort, ti pour Allah.

H.Mohammad s.a.w fine dire ene fois qui mo li yeux dormi mais ça l’heure la aussi mo l’ésprit li dans rapelle Allah.

Donc H.Mohammad s.a.w so doah li pour qui nous prend ene exemple et li ti aussi pour le ummat afin qui zotte le coeurs pas vine travers. Quand l’époque du Massih O Mahdi vini, accepter li. Si necque banne musulmans ti comprend ça point important la. qui plus grand malchance qui çapave ena qui ça, qui ene fois après qui fine trouve la verité, après qui ça banne dimounes la fine crèer dans zotte generations, zotte fine gagne la verite et fine faire banne sacrifices mais après zotte égarer. Après qui zotte trouve Allah so la Graçe, zotte trouve Allah so colere. Penser et reflechi, et guette situation de banne musulmans aujourd’hui, est ce qui zotte pas victime d’Allah so colere. Qui Allah envoye so misericorde lors zotte. Par la Graçe Allah d’apres acceptations de doahs H.Ibrahim a.s et H.Ismail a.s, et H.Mohammad s.a.w, ça Massih Maoud qui fine vini la, pas fine apelle zotte banne musulmans parcequi zotte penser qui nous pas besoin aucun Guide maintenant. En fait banne Ulema de noms seulement, li pas dans zotte faveurs qui le ummat accepter le Massih Maoud parcequi zotte business pour fermer avec ça. et pretexte c’est qui après H.Mohammad s.a.w aucun prophete pas çapave vini. Après zotte dire Quran devant nous, nous pas besoin aucun Massih, Mehdi, Mousleh.

Mais la aussi zotte pas rejette le besoin du Khilafat, mais banne ignorants pas comprend qui pas çapave ena le Khilafat tant qui le Massih Maoud pas vini. Et le Massih Maoud so venue depuis ça ummat la même, de ummat de H.Mohammad s.a.w, li preuve de Khatamoun Nabiyin de H.Mohammad s.a.w. mais ça banne dimounes la revendiquer qui zotte comprend le Quran mais ça banne quiquechoses la zotte pas comprend. Et ni zotte çapave comprend. Le fait qui zotte dire qui le Quran li devant nous, nous pas besoin aucun guide, avec ça même nous decouvert zotte.

Le Quran li ouvert a ceux qui banne choisi d’Allah, et dans ça l’epoque la c’est H.Massih Maoud a.s qui le choisi d’Allah pour montrer nous banne enseignements de Quran. Li fine montrer nous banne chemins avec lequel nous çapave comprend le Quran. H.Massih Maoud a.s dire qui pour ena connaissance religieuse, en premier besoin ene vrai pureté et besoin quitte banne chemins d’impureté. A çause ça même Allah fine dire dans Quran qui Allah so livre pure, c’est seulement banne dimounes qui ena le coeur pure qui çapave comprend ça. zotte ena ene nature pure, et faire banne bon actions. Avec banne triques mondaines jamais ou çapave gagne connaissance du ciel. Ensuite fine dire banne enseignements du Quran li ouvert seulement a banne dimounes qui Allah purifier avec so la mains.

Ensuite fine dire zotte dire qui nous pas besoin aucun Massih O Mahdi, le Quran li suffit pour nous, et nous lors chemins droite. Alors qui zotte conner qui le Quran li ene tel livre qui apart banne dimounes pure les autres pas çapave comprend ça. C’est pourquoi fine besoin quelqun de coté Allah qui Allah meme fine purifier et envoye li.

Donc dans ça l’époque la H.Massih Maoud a.s est celui qui Allah fine purifier avec so la mains et fine donne li comprehension de Quran. Donc ça banne dimounes la autant zefforts zotte envie faire zotte çapave faire li, quand zotte oppose le Massih e Maoud, jamais zotte pour çapave comprend le Quran. Et autant doahs qui zotte faire, tant qui zotte banne pas pas advancer vers le Massih Maoud, zotte le coeur pour reste travers. Donc quand ou trouve zotte situation, cotte nous besoin reconnaissant envers Allah lors le fait qui nous banne Ahmadis, la-bas tout le temps pour sapper avec tout qualite egarement, nous besoin continuer faire doahs. Et autant qui le monde pe avancer vers le materialisme, et zotte pe oublier Allah, plus qui avant zotte besoin faire doahs qui Allah pas prive nous de ça recompense la. tout le temps li faire nous banne pas reste ferme, et li augmente nous imaan avec so misericorde. Doahs pou gagne misericorde c’est Allah même qui fine enseigne nous, et Allah so misericorde c’est seulement banne qui faire ibaadat Allah qui gagne ça, et qui essaye augmenter dans imaan.

H.Massih Maoud a.s fine dire qui dans Quran ene place fine dire qui Allah so Rahimiyyat c’est seulement pour banne dimounes qui ena imaan. Et banne incroyants et banne rebelles zotte pas gagne aucun part la-dans. Ensuite fine dire banne qui banne croyants speciales, chaque place fine mentionne li avec attribut de Rahimiyyat. Fine dire Rahimiyyat d’Allah li proche avec banne bon dimounes. Encore ene place fine dire banne qui fine amene imaan et pour la çause d’Allah fine separe zotte de zotte pays ou de l’esclavage de zotte l’ame, et fine faire zefforts dans Allah so chemins, zotte çapave espere Allah so Rahimiyyat. Et Allah li Ghafour et Rahim. C.a.d c’est so Rahimiyyat li certainement pour banne dimounes qui digne. Pena personne qui fine cherche li et pas fine gagne li.

Donc içi li fine claire qui Rahmat certainement li vine depuis Allah, mais c’est banne dimounes qui essaye progresser dans zotte imaan qui gagne ça, et qui essaye vine parmi banne mohseneen. Et qui çana banne mohseneen. Banne mohseneen c’est banne dimounes qui amene banne bon actions. Donc pour gagne Allah so misericorde, besoin faire doahs pour sapper avec tout qualités quiquechose travers. Et pas seulement essaye sapper avec banne quiquechoses travers mais essaye vine parmi banne mohseneen. Banne qui essaye faire banne bon actions, c’est zotte même banne mohsseneen, zotte banne faire banne actions simple mais essaye amene ça d’ene haute niveau. Et d’apres paroles de H.Mohammad s.a.w zotte faire chaque travail avec ça pensee la qui Allah pe trouve nous a tout moment. Comment H.Massih Maoud a.s fine dire zotte separe zotte de l’esclavage de zotte l’ame. Et avec banne bon actions zotte essaye cherche Allah so plaisir. Qui Allah donne nous ça l’ocçasion pour nous protege nous ibaadat et actions, et nous courber devant Allah et sapper avec l’esclavage de nous l’ame, nous sapper avec tout qualités quiquechose travers afin qui nous gagne Allah so misericorde, et respet banne recompenses qui Allah fine donne nous, et ensuite ça misericorde la augmenter lors nous et nous banne generations aller même.

Ameen.