Huzoor in Kerala ( India )

Khutba

28.11.08

Bismillah Ir Rahman Ir Rahim

Traduction Khutba Jummah qui Hazrat Ameer Oul Momeneen, Khalifat Ul Massih Al-Khamis ti faire Vendredi 28 Novembre 2008 dans Kerala.

Après le Sura Fatiha, Huzoor dire qui Alhamdolillah Allah fine donne moi l’ocçasion aujourdhui vine dans ça région de l’Inde la. En 2005 quand mo ti vine Qadian, ti ena désires de banne dimounes sincere de Kerala pour mo vine Kerala, mais a ce moment la, la situation ti tel qui li pas ti possible pour mo vini. Mo ti dire zotte Insha-Allah lotte fois mo pour essaye vine içi, Donc Allah juste par so la Grace la fine faire ça realiser. C’est ene verité ça qui tant qui ou pas joinne ene dimoune personellement tant qui ou pas sur place ou pas çapave conner comment li été vrai même. Mo remercier Allah encore qui li fine donne moi l’ocçasion pour vine joinne zotte içi et pour trouve zotte sincerité et fidelité. Autant banne dimounes qui mo fine joinne depuis içi dans Qadian ou Londres mo trouve zotte sincerité meme mais quand mo fine vine içi mo fine trouve le Jamaat, missier, madame, zenfant vieux et fine trouve ça sincerité qui ena içi la, Et ça benedictions qui fine ena içi dans le Jamaat de H.Massih Maoud a.s, sans qui vine içi pas ti pour çapave conne ça sans joinne zotte personellement.

Parmi nous banne compagnons, ena ti pe dire qui ena ene tel sincerité et discipline qui ena dans banne indonesiens ici,ena ti pe dire sincere comment dans banne Afriçains, et dans banne Afriçains ena beaucoup enthousiasme qui zotte montrer sincerité, mais moi mo dire qui dans chaque coin du monde, chaque Ahmadi so sincerite et fidelite li comment ene exemple. Même qui zotte façon d’exprimer li différent, et dans l’Inde dans ca region la zotte demonstration de sincerite et fidelite aussi li ene exemple, malgré qui zotte loin de Qadian, des milliers de miles de distance et ena ene tres grande partie de banne dimounes ici qui fine joinne le Khalifa de l’époque pour la premiere fois. Mais dans banne vieux, jeunes, zenfants, ça sentiments qui fine trouver avec zotte la, pena aucun la force du monde qui çapave vine ene obstacle dans nous l’amour pour le Khilafat, et ça mo fine trouver. Tout ça li mette ou dans étonnement qui après demonstration de ça banne sentiments la aussi, banne les autres musulmans encore ena doute qui H.Massih Maoud a.s li pas fine envoyer par Allah. Banne dimounes qui aller vini, zotte pe trouve contentement de banne Ahmadis, ça demonstration de fidelité envers le Khilafat c’est juste qui ça c’est ça la corde qui pour faire travail de H.Massih Maoud a.s continuer avancer et faire li arrive jusqu’a so but.

Et qui été nous banne buts? C’est gagne le plaisir d’Allah. Jusqu’a nous mort nous besoin faire ça travail qui faire nous gagne Allah so plaisir. Nous besoin continuer faire ça travail qui en totale obéissance a H.Mohammad s.a.w, nous besoin essaye gagne ça niveau qui amoureux de H.Mohammad s.a.w,Imam de l’epqoue le Massih Maoud, Mahdi Maoud envie crèer dans nous. Donc ça demonstration de sentiments qui mo fine trouver dans banne Ahmadis d’ici a çause zotte amour pour H.Massih Maoud a.s ça sincerité qui zotte ena avec le Khilafat, li devoir de chaque Ahmadi pour garde ça établi, et ça li possible seulement quand nous mette ça but fondamentale la devant nous, qui but de nous la vie c’est gagne Allah so plaisir. Nous besoin obéir H.Mohammad s.a.w. Et quand vine sous baiat de H.Massih Maoud a.s, nous besoin gagne ça niveau qui H.Massih Maoud a.s fine attane de nous, ça li besoin nous but. Sinon si pena ça juste pour lire banne paroles, banne Nazm lors le Khilafat ça pena aucun signifiçations.

Banne dimounes zotte garde relations avec banne leader mondaine. Zotte faire sacrifices pour banne buts mondaine,mais combien ena qui faire sacrifices pour le plaisir d’Allah et en obéissance a H.Mohammad s.a.w. banne dimounes qui faire banne sacrifices exterieur seulement c’est juste banne sacrifices de nom seulement. Parcequi c’est contre enseignements d’Allah et H.Mohammad s.a.w. Zotte marche derrière banne Ulema qui zotte même envie ene guide qui vini depuis Allah, et ça dans ça l’époque la c’est seulement H.Massih Maoud a.s, pena personne apart li. Donc pour gagne stage de vrai sacrifices c’est dans destin de banne Ahmadis seulement. Et pour ça chaque Ahmadi besoin comprend ça enseignement qui H.Massih Maoud a.s fine mette devant nous avec lumière de Quran et le Sunnat, besoin adopter ça et faire zefforts marche d’aprés ça. C’est a ce moment la qui nous pour apelle banne vrai Ahmadis.

Donc qui H.Massih Maoud a.s envie de nous? Li dire ene place, dire rapelle banne haute qualités morale c’est miracle de banne dimounes droite, cotte pena nanrien a part Allah. Parcequi banne qui pas fini zotte même dans Allah zotte pas gagne aucun pouvoir depuis la-haut. C’est pourquoi li pas possible pour zotte pour gagne banne haute qualités morale. Donc crèer ene relation pure avec Allah. Quitte rancune, mocquerie, mensonge, avarice, mauvais regard, mauvais pensée, mauvaise language attachement avec le monde, arrogance, mechancete fierté egoisme quitte tout. Lers la zotte pour gagne tout banne quiquechoses depuis le ciel. Lers la zotte pour banne miracles de banne dimounes pures. Tant qui ça pouvoir de la-haut la attire zotte, et le Ruhul Quddus qui donne ou la vie, tant qui li pas rentre dans ou, zotte pour bien faible et pour dans obscurité. Dans ça situation la zotte pas pour çapave faire face a ene probléme, et ni pour çapave sapper avec arrogance. Fine banne dimoune du ciel et pas celle de la terre, et vine héritiers de lumière et ni amoureux de l’obscurité, attention qui zotte vine sous l’emprise de shaitaan.

Donc ça c’est haute stage, c’est target et ça but qui H.Massih Maoud a.s fine donne ou. Ene dimoune li faible et passé par banne haut et des bas dans la vie, c’est pourquoi pour ça but la li besoin demande doahs avec Allah et faire zefforts pour ça. Et pour gagne aide depuis Allah et gagne banne haute qualité la dans ça extrait la H.Massih Maoud a.s fine donne nous le moyen aussi. Et ça c’est crèer ene relation propre avec Allah, ene relation sincère, et comment ça crèer, li crèer quand nous mette but de nous création en avant tout le temps. Et ça but de creation la Allah même fine dire nous ça, et fine dire Mo fine crèer banne jinns et banne humains juste pour zotte adore moi. Donc c’est ene très grand but, quand nous essaye gagne ça but sincèrement pour Allah, be nous l’attention pour aussi vers banne actions qui H.Massih Maoud a.s fine dire pas faire, et aussi vers banne actions qui Allah fine dire nous faire dans le Quran. Nous pour accompli banne droits de la société. Et ça action la après pour faire nous gagne Allah so plaisir. Et ensuite récompense de Khilafat li avec banne dimounes qui améne imaan et faire banne bon actions. Et besoin pure de tout shirk.

Donc si nous envie continuer gagne ça récompense la, ça prophétie qui H.Mohammad s.a.w ti fine dire la, nous bien besoin garde en vue but de nous création. Pour ibadaat banne chemins qui Allah fine montrer nous, banne façons, plus important c’est 5 fois Namaz par jour. Donc chaque madame, missier, zenfant, vieux, tout le temps besoin rapelle qui si pena protection de so 5 fois namaz, et nous pas courber sincèrement devant Allah, ni nous pour çapave atteindre ça but de banne bon actions qui fine dire nous la, et ni ene dimoune çapave gagne récompenses qui lier avec ibaadat. Qui H.Massih Maoud a.s attane de nous?Lors ça, li dire dans ene place O banne dimounes qui considère zotte dans mo Jama’at, au ciel zotte pour inclus dans mo Jama’at seulement quand zotte marche vrai même lors le chemin de Takwa. Donc faire zotte 5 fois namaz avec ene tel crainte comment dire zotte pe trouve Allah. Donc après qui fine améne imaan lors Allah, plus grand condition pour marche lors le takwa, c’est faire Namaz. Et pas faire namaz comment dire ou pe tire ene fardeau lors ou la tête, vite vite ou fini Namaz pour ou alle continuer ou banne travails mondaines. H.Massih Maoud a.s fine dire faire Namaz comment dire ou pe trouve Allah.

Guetter quand nous deboute devant ene grand personnalité nous ena ene crainte dans nous. Allah qui le plus grand être, quand nous faire so ibaadat et penser qui Allah pe guette nous, qui quantité crainte nous pour ena. Et c’est ça même situation qui faire ou faire ibaadat sincèrement. Mais puisque chacun d’entre nous pas çapave gagne ça situation la ene seul coup, c’est pourquoi H.Mohammad s.a.w fine dire qui quand faire Namaz pena ça situation la qui ou pe conner ou pe deboute devant Allah, be penser au moins qui Allah pe trouve ou. Ça Allah qui Maitre de tous banne pouvoirs, qui conne l’état de banne le coeurs, quand pour ena ça pensèe qui Allah qui ena tout pouvoir pe guette nous, nous besoin porte attention vers ibaadat. Nous besoin deboute devant Allah pour faire so ibaadat d’ene tel façon qui çapave attire so la Grace. Nous besoin protége nous Namaz d’ene tel façon cotte nous donne ene importance minime a banne quiquechoses mondaine banne business et commerce mondaines ene importance secondaire. Et ça c’est quiquechose qui pour faire nous vine ene dimoune de ciel qui pour amene nous lors ça stage qui en banne vrai couleur pour faire nous faire partie de Jamaat de H.Massih Maoud a.s.

Mo pas pe dire ça banne zaffaires la pour qui banne dimounes qui pas ressenti ene tel situation pour zotte desoler et assise ene coté, non. Zotte pour penser qui nous pas pe çapave gagne stage la c’est pourquoi nous en dehors du Jamaat. Au contraire c’est haute niveau qui nous besoin essaye gagner. Pour banne Jama’at qui progresser ena banne grand but, banne grand target. Ensuite nous pour gagne Allah so la Grace et bénédictions beaucoup plus qui avant. Allah dire mo la Grace li au dessus de tout quiquechose. Donc ce qui nous pe gagner, li avec Allah so la Grace et ena l’ordre depuis Allah pour progresser dans le Neki, besoin pas penser qui ce qui nous pas fine gagner li arêtte la même, nous baisse les bras et decourager, au contraire nous besoin continuer faire zefforts pour avancer. Et lers la en tant qui Jama’at avec Allah so la Grace nous pour vine héritiers d’Allah so recompenses, qui Allah fine destiner a Jamaat de H.Massih Maoud a.s. Avec Allah so la Grace ena beaucoup banne dimounes dans le Jama’at qui gagne ça niveau de ibaadat la. Zotte lever dans la nuite et faire nafil, faire doahs pour le Jama’at, et marche lors banne chemins de takwa. Lers la Allah envoye so la Grace lors le Jamaat. Mais H.Massih Maoud a.s envie trouve so Jamaat lors ça niveau qui li fine dire la. Afin qui chaque membre du Jamaat ena ene relation personel avec Allah, et zotte gagne ça récompense qui gagner quand faire Allah plaisir. Autant qui niveau de takwa de chaque dimoune pour augmenter, autant même vite nous pour trouve la victoire de l’Ahmadiyyat.

Comment mo fine dire, avec banne bon actions qui Allah fine ordonne pour faire nous besoin attire banne les autres vers nous. A çause nous ibaadat nous Daawat-Ilallah aussi pour correcte. Par la Grace Allah, ena beaucoup qui pendant le mulaqat mo fine trouve zotte rempli de sincerité. Et fine trouve zotte plein de certitude lors acceptation doahs.

Zotte imaan ferme lors Allah ti pe trouver dans zotte banne paroles. Ena beaucoup missiers et madames fine çause lors progrés de zotte zenfants dans deen, fine demande doahs pour zotte, c’est a çause de ça qui zotte ena ene relation ferme avec Khilafat. Donc jamais pas laisse ça relation la, ça sentiment la mort. Au contraire tous les jours besoin essaye faire progrés la-dans. Et pour ça comment mo fine dire rapelle tout le temps ça commandement pour adore Allah l’unique, et amene banne bon actions, li neçessaire pour ene croyant. Ou besoin sappe ou même de tous banne shirk çachet. Ici ou ena relation avec dimounes de les autres religions, et ena banne mauvais traditions et coutumes qui vine faire partie de ou environnement, sapper avec ça. parcequi ça même quiquechose qui doucement doucement améne ou vers shirk. Par la Grace Allah, banne Ahmadis ici ena l’Eduçation. Donc servi ça connaissance la pour ou deen. Connaissance religieuse aussi besoin ou but afin qui avec protection de ou imaan, Ou crèer connaissance de deen dans ou zenfant et protége zotte. Afin qui banne générations a venir continuer faire progrés aller même. Et après besoin servi ça connaissance religieuse la et faire Daawat-Ilallah. Ça place la li tel qui ena banne Hindu, après fine ena banne juifs qui fine vine établi, christianisme aussi fine vini. Maintenant Allah fine donne ou l’ocçasion pour accepter le Massih Mohammadi. Faire ça message la alle de l’avant. Et faire tous dimounes vine sous drapeau de H.Mohammad s.a.w, et faire zotte conner qui vrai deliverance pour gagner quand ou vine sous drapeau de H.Mohammad s.a.w. Et dans ça l’époque la Allah fine envoye H.Massih Maoud a.s pour ça. Donc maintenant li nous responsabilité pour repanne ça message de H.Massih Maoud a.s la, Allah fine dire faire zefforts répanne ça. l’attention du monde pe attirer vers Ahmadiyyat plus qui avant. Dans ou region aussi ou fine ressenti ça avec la Media. Et dans opposition aussi fine ena ene l’attention qui fine attirer plus qui avant. Donc ou besoin crèer ene changement pure dans ou. Et demande aide avec Allah, et plus qui avant nous besoin essaye accompli nous banne responsabilité. Tout le temps rapelle qui H.Massih Maoud a.s fine dire qui mo fine accorde moi zarmes de doahs. C’est pourquoi nous besoin porte beaucoup attention vers doahs, et pour faire nous gagne succés. Qui Allah donne nous ça l’ocçasion la.