L’interet et Crise Financier

Khutba

31.10.08

Bismillah Ir Rahman Ir Rahim
Traduction Khutba Jummah qui Hazrat Ameer Oul Momeneen, Khalifat Ul Massih Al-Khamis ti faire Vendredi dernier le 31 Octobre 2008 dans Baitul Futuh, Morden.

Aprés Sura Fatiha, Huzoor fine versets 38 a 41 de sura Al-Rum. Est-ce qui zotte pas fine trouver qui Allah élargi moyen de celui qui li envie, et li reduire li pour celui qui li envie. En verité ena içi banne signes pour ene peuple qui croire.

Alors donne a banne parents ce qui zotte du et a banne en neçessités et a banne voyageurs. Ça li vaut mieux pour banne qui recherchent le plaisir d’Allah et c’est ça banne la qui pour prosperer.

Tout ce qui zotte pour preter avec interet pour augmente banne richesses de banne hommes, li pas pour augmenter aux yeux d’Allah,mais tout ce qui zotte pour donner en zakaat recherchant Allah so plaisir, c’est ça banne la qui pour gagne ene augmentation multiple dans zotte richesse.

C’est Allah qui fine crèer zotte; et ensuite li fine subvenir a zotte besoins;ensuite li pour faire zotte mort; et ensuite li pour ramene zotte a la vie. Est-ce qui ena quelqu’un de zotte banne associés qui çapave faire ene de ça banne quiquechoses la? Qui li glorifier ou exalte au-dessus de ce qui zotte associer avec li.

Ça banne versets de Quran qui mo fine reçiter la, dans le premier verset Allah fine mentionne so attribute de Razaak, qui c’est lui qui donne provisions et c’est li même qui reduire provisions de quelqu’un. Provisions li même donner et li même qui arêtte donne provisions. Fine dire qui Allah montrer beaucoup de signes de so attribut de Razaak a ene vrai croyant. Celui qui so imaan ferme. Aujourd’hui jour la situation financier qui ena dans le monde et crise financier, avec qui banne pays riche aussi fine affecter et banne pays pauvre aussi. Banne pays industrialiser aussi et banne pays en voie de developemment aussi affecter et ena banne pays ti penser qui zotte ena banne Know how techniques etc,c’est vers zotte qui bisin tourner. Parcequi dans ça l’epoque de science la, et moderne la ça banne services la ena beaucoup importance. Ena banne grand puissance qui ti penser qui nous tellement fort et puissant qui tres vite nous pour conquerir le monde. Alors qui depuis avant même zotte pe dicter beaucoup banne pays, mais zotte ti rêve pour dirige le monde en entier. Dans zotte pensée, qui dans domaine de science zotte fine faire tellement progrés qui personne même pas çapave mette competition avec zotte. A çause banne differents le temps et climat zotte ena suffisament de provisions alimentaire, pas besoin personne so aide pour qui zotte gagne manger, zotte fine faire tellement progress dans domaine medicale qui maintenant le monde besoin apprane avec zotte. Dans banne zarmes aussi nous devant le monde entier, et le monde tire profit de nous banne experience. Zotte penser qui de tous cotés zotte çapave prend possession du monde entier. Controller partout et le monde entier bisin reconnaitre nous puissance et volontairement soumette a nous.

Ensuite ena banne puissance fine penser qui ça la force financier qui nous ena pour controller la, le monde li obliger soumette a nous et zotte bisin depanne lors nous. A cause zotte arrogance et a cause zotte penser qui zotte fine bien advancer dans banne technologie etc mais maintenant tout fine gatter nette et zotte situation pe deteriorer.Tout crise qui nous pe trouver dans le monde aujourdhui, so vrai raison qui faire pe arrive ça, ça banne dimounes la pas pe çapave penser. Et ça c’est renier l’existence du Maitre de l’univers, celui qui ena tous pouvoirs. Ou bien ça banne puissance la ou ça banne pays la qui fort financierement ou qui ti fort jusqu’a ene certaine temps, zotte porte tres peu attention lors le fait qui le Maitre du ciel et de la terre, li ena so banne propre la loi. Quand banne çalamités, banne tremblements de terre, banne tempete vini, personne pas çapave arêtte ça, tout détruire et lers la quand ena ingratitude so resultat li vine apparent. Ene c’est qui quand fine oublier Allah, banne çalamites du ciel et de la terre, zotte fine montrer zotte banne l’effets. Deuxieme quand fine faire travail finance contre Allah so commandements, et maintenant banne solutions qui zotte pe penser pour ça, li juste temporaire. Mais banne solutions qui fine gagner jusqu’a maintenant zotte penser qui li correcte mais li pas ene solution permanent et satisfaisant.

Donc tous ça banne zaffaires la quand nous trouver, nous imaan li augmenter lors Allah. En ce moment li devoir de banne Ahmadis pour avertir le monde lors la qui vrai raison de ça banne çalamites et ca banne crise la c’est a çause fine ena eloignement avec Allah, a çause pas fine accompli droits de banne créatures d’Allah, a çause fine ena regard lors du biens les autres avec gourmandise. Si envie ene solution a long terme besoin pense lors tout ça banne quiquechoses la. Pour depense de billions de dollars, de livres sterlings comme ene Bail out c’est pas ene solution permanent. Parcequi ça l’argent la aussi li pour sorti d’ene poche qui fine déjà faire faillite. Zotte bisin pense lors la. Et aujourd’hui li la même situations pour banne pays musulmans, parcequi zotte fine suivre banne zaffaires de finance qui le monde fine faire au lieu qui zotte prend guide de ce Allah fine dire zotte. Ensuite fidelité et honnette envers ou pays li presque inexistant. Banne chef d’Etat pe guette zotte propre interet. Banne pays du moyen orient qui ena abundance de petrole, zotte pas fine servi zotte banne resources et roule economie comment Allah fine dire, zotte pas fine porte attention vers Allah so banne commandements. Certainement zotte pays fine faire progrés, zotte fine faire banne grand infrastructure mais pas fine servi zotte resources comment Allah fine dire. Par exemple si zotte ti ena l’argent en plis et certainement zotte ti ena li, zotte fine mette ça l’argent la dans commerce dans banne pays de l’ouest cotte zotte ti ena pour gagne interet, et ça aussi dans banne travails qui ti pour apporte banne profit temporaire c.a.d banne travail pas productif, zotte fine ramasse zotte l’argent dans banne la banque afin qui zotte gagne interet. Ça banne pays Islamique la juste pour montrer zotte fine commence ene la banque dans zotte banne pays qui zotte apelle Islamic banking, mais ça aussi exterieurement li parraitre Islamic banking mais en verité c’est pas ça qui Islam envie, ce qui Quran envie. Si guette avec ene regard profond zotte dire qui c’est Islamic Banking mais c’est ene genre d’interet même.

De toute façon ce qui mo ti pe dire c’est qui zotte fine éloigner avec banne enseignements Islamic et fine servi zotte l’argent, et fine donne ça l’argent la a banne pays de l’Ouest. Et pas fine servi l’argent la coumma bisin. Et maintenant quand fine ena ça banne crise financiere la, li clair qui zotte l’argent aussi fine besoin souffert avec ça. Quand Allah fine dire qui li le Razaak, li fine conseil banne musulmans dans verset 39 de sura Rum, qui donne ou banne proches zotte du, banne pauvres et banne voyageurs. C.a.d fine mentionne 3 droits dans ça verset la pour servi ou l’argent comment besoin. Et ensuite finalement quand ou accompli ça banne droits la fine dire deux quiquechoses comment ou pour gagne profit de ça, zotte pour gagne Allah so plaisir, et pour gagne succés dans la Religion et dans le monde.

Donc pour vine ene croyant pour dire verbalement seulement qui nous fine amene imaan ou bien qui nous musulman, ou nous dire qui nous accepter ça Allah qui Razaak la. Pour annonçe ou imaan et pour gagne certitude lors attribut de Razaak, besoin montrer banne exemples. Si Allah li Razaak, celui qui ena ene imaan complet la, jamais li pas pour peur quand ena ene manque de provisions, li conner qui Allah pour crèer banne moyens pour faire moi gagne provisions, et lers la li depense provisions qui Allah fine donne li d’aprés Allah so volonté. Celui qui ena ene meilleur situation financière, li faire les autres aussi prend part de so du biens pareil coumma Allah fine dire. Celui qui ena plus, li accompli droits de banne qui en neçessités, parmi ena banne proches aussi, banne famille, banne voisins, au contraire quand ene musulman li ene frère pour ene lotte musulman, li neçessaire accompli le droit envers le ummat en entier. Banne pays musulman riche besoin pense pour banne pays pauvre coumma zotte çapave progresser. Et c’est a ce moment la d’aprés Allah so commandement qui li pour çapave accompli ça droit la comment besoin.

Allah fine dire donne a banne proche banne necessités et banne voyageurs et quand fine servi le mot droit, fine faire li bien claire qui c’est ou devoir pour ranne zotte service.donne zotte dans façon honorable. C’est pas ene charité qui ou pe donne aux autres, au contraire c’est ou devoir pour donne zotte ça. Donc banne pays islamique si zotte pense pour le bien-être de zotte banne pays pauvre, et ti porte attention a zotte avec ça l’argent qui zotte fine gagner avec zotte progrés, avec le petrole. Au lieu qui zotte mette zotte l’argent dans banne la banque de banne pays de l’Ouest et prend interet, zotte ti çapave gagne Allah so plaisir. Donc plusieurs fois ça banne pays la fine dire dans journaux qui nous situation li correcte. Ça pensèe la li tout a fait faux. Zotte penser a çause nous ena du biens de petrole, c’est pourquoi nous l’argent pena aucun danger. Ene c’est qui zotte l’argent qui dans banne la Banque de l’Ouest, zotte l’argent aussi fine affecter. Laisse mo dire ou en bref qui ça banne pays la qui banne pays de l’Ouest, içi aussi ou trouver qui beaucoup banne Ahmadis aussi prend preter avec la banque. C’est banne l’argent qui pas productif du tout. Ene très grand partie de ça l’argent la servi pour acheter banne quiquechoses pour la çage, pour acheter l’auto, pour acheter la çage. Et quand l’argent de ça banne pays qui ena petrole la fine vine cotte zotte, zotte fine trouver qui bien vite l’argent fine commence rentrer et zotte fine commence prête l’argent encore plus qui avant. Banne la banque garde ene ti peu meme pour zotte. Ena banne Ahmadis fine ècrire lors la. et comment mo fine dire ça banne pays qui ena petrol la, zotte pas fine faire banne bon investissement.

Par exemple ici ene banquier fine dire moi qui investissement de la banque, 45% la-dans zotte donner pour acheter la çage. Apart ça ene très grande partie alle lors les autres dettes. Zotte prête l’argent lors banne conditions bien façile. Beaucoup qui pe assise devant moi conner qui si ene la çage coute 300,000 livres, demande zotte çash de 10,000 a 15,000 livre. La banque donne le reste.Dire zotte qui si zotte donne ene tel pourcentage pour accepter prete zotte ça l’argent la. Et tous les autres l’argent alle dans dettes la banqu et après celui qui prend dettes la li pas penser combien l’interet mo ena pour donner, pour combien le temps mo besoin payer aller même, et combien en fait mo besoin retourner. Ce qui zotte penser c’est qui nous acheter la çage, doucement doucement nous pour retourner. Mais zotte pas conner qui autant le temps zotte besoin retourne ça somme la, et zotte çapacités li limiter, et arrive ene l’heure cotte zotte pas çapave retourne ça l’argent la parcequi la vie pe vine cher,inflation monter tout quiquechoses pe augmenter, depenses la çage pe augmenter. Si ou ranne dettes comment pour roule la çage. Donc zotte alle mailler dans ça tourbillon la. Et ensuite dettes continuer augmenter aller même. Ena dimounes zotte mortgage. Seulement pour dire qui zotte fine gagne l’argent avec la banque mais si zotte penser fardeau de dettes fine augmenter lors zotte. Temporairement zotte fine soulager.

Ensuite ena banne dimounes cotte la banque fine donne zotte banne tells facilitès qui même si zotte pas fine donne nanrien, zotte fine gagne l’argent avec la banque, fine acheter la çase, et toute longue la vie zotte paye la banque interet. Et jusqu’a zotte la mort zotte pas fine beneficier nanrien. Dernier fois quand mo ti faire ene khutba lors interet, beaucoup banne dimounes ti fine arête ça, si ou penser vraiment qui dettes de l’interet, li continuer augmenter aller même. Celui qui pena çapacité pour retourne ça dettes la, ena beaucoup qui comme ça, zotte situation vine vraiment difficile.Banne la banque qui prete banne tel l’argent,zotte aussi zotte fine prend l’argent les autres zotte fine donner et comment mo fine dire ena beaucoup l’argent de banne qui de banne pays qui ena petrole. Donc ça situation la li pas içi seulement, li dans l’Amerique, dans le monde entier.

De toute façon coumma mo fine dire la loi de la nature li faire so travail après. Quand arrive ene certaine limite, banne dimounes zotte çapacités de retourne dettes fine fini, lers la banne la Banques zotte sommeil fine çasser, zotte penser pas ti ena nous l’argent dans ça banne dettes la, c’est l’argent de les autres dimounes, lers la zotte fine arêtte prete l’argent. Et lers la que ce soi pour productif et pas produtif zotte pas donner.En résultat de ça fine ena ça crise financiere la, et le monde entier fine affecter par ça. C’est pourquoi si quique pays dire qui mo ena la çapacité, et ça pas faire moi aucun difference, li tout a fait fausse. Ene c’est qui ça l’argent qui dans banne pays de l’ouest, pas çapave esperer pour gagne ça tout de suite.

Deuxieme quand fine ena crise économique, banne zaffaires qui ti ena avec zotte c.a.d petrole fine ena ene manque dans achat de ça aussi. Dans Times de cette semaine, fine écrire ene sujet lors la, fine dire Ene Ocean de Dettes, ene tel ocean qui so de l’eau li prêt pour faire l’Amerique aussi couler,l’Amerique qui ti considere li plus riche qui tout. Et fine dire qui situation économique d’Amerique fine tellement gatter qui n’importe qui çanne la faire zefforts, pas maintenant qui zotte pour sorti la-dans. Ensuite ça choc qui zotte économie fine gagner la, aucun pays du monde pas a l’abri de ça. Banne pays de l’ouest surtout, ça l’economie qui fine mentionner pour l’Amerique la, cotte le credit çard qui bien fameux dans ça banne pays la qui sans penser zotte servi li, fine mette banne restrictions lors la a ene très grande niveau. Ça ti vine comme ene divertissement pour banne dimounes, sans penser zotte ti pe servi li, fine ena manquement la-dans. Vente de banne voiture fine diminuer considerablement tellement bas qui jamais pas fine gagne ca dans ca dernier 15 ans la et banne voyages par avions aussi fine diminuer beaucoup et a çause de ça beaucoup banne compagnie aerienne fine ferme zotte banne vols lors certain banne destinations.

Donc ça deux quiquechoses la li tel qui servi petrol pour ça, donc si pas pe servi autant be comment pour gagne ça l’argent la. Ensuite ena banne entertainement de banne dimounes, manger boire, restaurants etc., ça li bien courant dans ça banne pays la, et la-dans aussi fine ena ene baisse. Et quand fine ena manquements la dans, climat aussi pas bon lers la resultat qui vini après c’est qui depression parmi banne dimounes li augmenter. Donc quand Allah fine dire qui celui qui deal avec interet, li comment dire banne qui Shaitaan fine faire zotte vine fou. Comment fine dire sura Al-Baqara verset 276 celui qui devore l’interet zotte pas deboute, zotte deboute comment celui qui Satan fine frappe de folie. C’est parcequi zotte fine dire “Commerce aussi li comment interet”, alors qui Allah fine faire commerce permissible et l’interet interdit. Alors quand celui qui fine recevoir ene avertissement de so Seigneur et qui abstenir li, ce qui li fine recevoir autrefois pour appartenir a li, et so zaffaire pour dans la mains Allah. Et celui qui retombe dans l’interet zotte banne habitants du feu et zotte pour rester.

Donc l’effet la li pour la, banne qui zotte l’argent fine perdi, ou bien au moins zotte fine ena ça crainte la qui pour un peu le temps nous pas pour gagne ça l’argent la. ça crainte la même li dangereux, et banne qui ti ena l’intention pour mortgage et lers la paye zotte dettes, zotte aussi zotte dans ene mauvais l’état. A çause zotte pas fine gagne l’argent preter, et parcequi valeur la çage fine tomber par plusieurs pourcent. Et la Banque aussi pas pe donne loan parcequi zotte même zotte pena l’argent. Donc quand la situation fine changer Allah fine dire qui zotte coumma dire Shaitaan fine frappe zotte avec la folie. Qui Allah prend pitié. Et li parraitre qui quand ena ene tel situation lers la depression aussi augmenter. Avec depression mo fine rapelle quiquechose qui coumma ene joke.banne expert dans Finance fine dire qui If my neighbour loses his job it is recession, if I lose my job it is depression. Donc si mo voisin perdi so travail c’est recession, et si moi mo perdi mo travail c’est depression. Recession c’est qui temporaire, et depression c’est pour tout le temps. Mais a çause de ça banne dimounes qui perdi zotte travail zotte gagne encore ene depression, c’est maladie de depression.

Donc ca crise la ,des milliers et millions banne dimoune fine perdi travail, si le monde encore ena un peu l’ésprit, zotte besoin quitte ça zaffaire de l’interet la. Faire ça commerce qui Allah fine permette la. Et banne pays musulmans qui zotte situation li meilleur établi zotte propre exemple, fine bien fortement interdire banne musulmans contre interet sinon après ça le monde la ena avertissement de punition dans l’au-dela. Et banne pays qui ena zotte banne propres resources et qui pas honnete, qui pe gaspille zotte banne resources ou bien zotte pe tire banne profits personel, zotte besoin realiser. Par exemple ena Pakistan et les autres pays,cotte zotte banne Leader jamais fine fidele au pays, et fine fini le pays, et fine prend prend dettes partout. Quelques jours de cela ti fine annoncer dans Pakistan avec beaucoup contentement qui le Gouvernement fine réussi gagne emprunt de 4 millions de dollars. Coumma pour retourne ça ?personne pas conner. Avant meme zotte ti ena déjà banne dettes. Alors qui a Pakistan aussi Allah fine donne banne çapacités. Fine gagne meilleur de banne la terres. Mais zotte fine gagne ene tel l’habitude demander, et prend dettes, et pas servi zotte banne resources comment besoin qui zotte la honte fine fini. Zotte pena ene sense de l’honneur pour le pays.Li pareil pour certains banne pays d’Afrique comme Nigerie, qui tres riche avec so petrol mais zotte banne leader pas penser du tout.
Donc so vrai raison c’est qui zotte fine oublier Allah et pas fine marche lors ça banne enseignements la, zotte fine tasser dans interet, dans zotte avarice. Allah dire a banne qui donne interet dire qui ça l’argent qui zotte penser pe augmenter avec interet, aupres d’Allah ça l’argent la li pas pe augmenter. Et ce qui pas augmenter dans Allah so regard pena aucun benedictions la-dans. Donc comment mo fine dire avant qui banne pays musulmans qui garde zotte l’argent dans banne la banques qui donne interet, zotte pour gagne ene plus grand punition en résultat d’Allah so avertissement. Donc pour penser qui nous nous proteger li ene fausse pensèe. Au contraire la situation fine prouver qui banne non-musulmans fine vine sous ça punition la, et de temps en temps zotte pour gagne li. Dans ça verset 40 la, la-dans fine attire l’attention vers zakaat, qui est droit de banne pauvres. Fine dire donne zakaat,c’est droit de banne pauvre et du gouvernement, c’est ene service qui ou render a Islam aussi. Alors qui Allah dire quand zotte pas accompli ça droit la, banne riches continuer vine riche aller même.et ça li juste pour ene certaine temps, parcequi quand Allah attraper ou trouve ça banne résultats qui ou pe trouver aujourd’hui jour. Ensuite Allah fine déjà guide nous lors la avant, fine dire accompli droit de chaque partie de la socièté parcequi ça même en verité pour faire to du biens progresser et non pas interet. Donc banne pays musulmans besoin bien comprend ça point important la. Ça li ene tel zaffaire qui banne pays de l’Ouest aussi fine réalise ça. banne dirigeants d’Allemagne ti fine comprend ça et zotte ti envie qui interet fini, mais par malchance besoin dire zotte pas fine çapave mette zotte banne idèes en pratique. Dans banne derniers jours ti ena ça nouvelle la qui fine ena ene amelioration dans situation economique fine ena ene baisse de interet mais ca li mauvais meme,,mais vrai situation c’est qui ce qui ou fine prend, fine fini prend. Ça Allah fine pardonne ou, ça interet qui rester la maintenant termine ça. Et faire tauba avec prend interet dorenavant, et surtout fine bien averti banne croyants pour sapper avec ça. Donc si ena ça lers la après quelques annees ça crise economique qui vini,pour ena banne choque encore qui affecter banne pays, chaque dimounes, pour çapave sapper avec ça.

Dans verset 41 de sura Rum Allah dire Allah est celui qui fine creer zotte et fine donne zotte provisions, après li pour faire zotte mort et pour ramene zotte a la vie. Est-ce qui ena quelqu’un de zotte banne associes qui çapave faire ene de ça banne quiquechoses la? Qui li glorifier ou exalte au-dessus de ce qui zotte associer avec li.donc Allah fine attire l’attention qui c’est Allah même qui fine creer ou, et quand li fine creer ou li pas fine quitte ou comme ça même. Fine donne provisions. Ene lotte place Allah dire qui li donne provisions a tous so banne creatures. Li donne a banne zanimaux, a banne zoiseaux. Li pour donne zotte aussi provisions si zotte marche lors so banne commandements. Donc Allah dire qui zotte l’attention besoin porte lors ça banne commandements la, parcequi c’est lui même qui donne la mort, et après la mort li faire zotte revivre et pour mette zotte devant li, pour ena des questions et réponses. C’est pourquoi pas faire idolaterie ouvertement ou çachet, et pas essaye devier de so banne commandement du tout, et ça c’est ene avertissement a banne musulmans. Ça commerce de l’interet qui fine mentionner, li tellement dangereux qui nous banne Ahmadis surtout besoin sapper avec ça. Ici Allah fine dire dans sura Baqara pour quitte interet, Oh banne qui fine améne imaan, gagne crainte d’Allah et quitte ça zaffaire de l’interet la.

Ene place Allah dire qui si zotte pas fine faire ça si zotte pas arête prend interet, be écoute annonçe de guerre d’Allah et de so prophéte s.a.w., et si zotte faire tauba zotte être pour reste comme li été, ni zotte pour comette banne atrocités et ni pour ena aucun atrocités lors zotte. Donc fine averti banne croyants surtout qui nous trouver qui ça zaffaire de l’interet la li pe tombe lors tous banne religions, qui li musulmans ou non. Avant fine dire qui shaitaan pour faire zotte perdi la raison a çause de ça, et ça li faire ou plonger dans l’interet aller même, ou pas conner même comment ou pe depenser. Et maintenant fine dire qui ena annonce la guerre depuis Allah et le Prophete s.a.w. et quand ena annonce de guerre depuis Allah et so prophete s.a.w, nepli ena religion et nepli ena le monde. Banne pays musulmans si zotte analyzer, chaque pays bisin analyser surtout banne Musulmans, zotte pour trouver qui a çause interet pe crèer ene grand distance entre banne riches et pauvres, dans zotte pays et dans les autres pays aussi. Banne pays musulmans pauvre pe vine plus pauvre, et celui qui ena petrole la li penser qui nous ena banne richesses et nous pe tire profit. En resultat de ça ena banne tourmente, ensuite ena rebellion. Comment mo fine donne exemple de Pakistan,la-bas aussi fossé entre banne riche et pauvre pe continuer augmenter, et ene tres grand raison pour tourmente qui ena la-bas c’est qui par avarice banne riches zotte pas pe accompli droits de banne pauvres. Et a çause de ça banne Mullahs pe gagne l’ocçasion faire ce qui zotte envie dans le pays. Si banne pauvres zotte droits ti accompli comment besoin, ça banne attaques suicide la dans lequel pe servi zenfants de ça banne pauvres la, ça pas ti pour gagne succés. Ena les autres raisons mais ça aussi li ene trés grand raison.

Donc banne situation qui pe ena dans banne pays pauvres et riches aussi, c’est annonce qui Allah fine faire ça. Dans le passé nous fine trouver et aujourd’hui aussi nous pe trouver qui ça l’argent de l’interet la pe vine çause de banne la guerre. Zotte essaye usurpe ressources de banne les autres afin qui zotte çapave gagne zotte l’argent d’interet. Aujourd’hui jour ça banne la guerre qui pe faire au nom de la paix, c’est pour prend possession de ressources de banne les autres. Si ena quique Gouvernement demande lors certaine banne conditions et si faire ene dimoune de zotte vine president be tout correcte sinon ena banne la guerres. Et parcequi li contre Allah so volonte, ene l’heure vini cotte banne qui ena la force et pouvoir aussi zotte montrer Allah so pouvoir et ensuite zotte humilier. Et ça nous fine trouver dans ça l’epoque la avec nous li yeux. Malgré tous banne zefforts et banne situation economique, quand Allah fine donne ene choc, tous banne grand pouvoirs fine detruire. Banne gouvernement depuis zotte tresors fine besoin donne support a banne dimounes. Banne qui ti prend dettes avec zotte, pe donne zotte support et la dans aussi pe servi l’argent du public. Mais pena aucun guarantie jusqu’a qui point et qui vitesse la situation pour ameliorer.

Comment mo fine dire banne dimounes mondaine aussi pe dire qui ene economie aussi puissant qui l’Amerique pas prêt pour changer. Au commencement mo fine dire qui zotte regard li lors ressources les autres. Et ça aussi li ene tres grand raison. Allah dire et pas guette zotte avec ene regard d’étonnement, nous fine donne zotte banne provisions temporaire. Dans ene Hadith H.Umar r.a rapporter qui ene du biens qui pas pour ou, ou bien ce qui ou pas fine gagner, pas galouppe derriere ça. donc ça c’est ene guide de principe qui chacun besoin guette so propre ressources, et c’est ene conseil pour banne croyants surtout qui zotte regard li pas besoin lors banne quiquechose temporaire parcequi c’est pas banne zaffaires qui pour rester éternellement, li temporaire. Ene croyant besoin prend so propre traças, gagne traças Allah so plaisir. Ça banne qui ena banne provisions temporaire la aussi, nous trouver qui zotte pe alle vers destruction. Et banne qui ena ene tel desir zotte aussi zotte la fin pour pareil.

Donc le monde bien besoin comprend pour reste dans zotte propre ressources, qui li au niveau de zotte la çage, société ou pays. D’Aprés Allah so commandement sapper avec interet, et si dans la çage chacun satisfait avec ce qui zotte ena, pas pour ena desir pour dettes. Et ni ou pour guette quiquechose cotte ou voisin et pour penser qui moi aussi mo envie acheter ça, et ni ou pour guette l’auto de ou prochain et penser qui moi aussi mo envie gagne ene tel l’auto. Et ni quand ou guette la çage d’ene proche, tout de suite ou pour gagne envie acheter la çage. Certainement besoin ena la çage, chacun ena ça desire la mais pas avec l’argent d’interet. Comme ça même ena banne pays au lieu zotte essaye usurpe du biens de zotte banne çamarades, si zotte tire profit avec commerce avec zotte prochains, banne tipti tipti pays aussi pour realiser qui mo resources li pour servi pour progres de mo pays. Ensuite banne dirigeants besoin servi du biens du pays pour le profit du pays, banne desordres pour fini. Si garde en vue Allah so banne droits, et donne banne dimounes ce qui zotte meriter, zotte çapave sapper avec Satan. Ensuite sapper avec interet afin qui ou gagne la grace d’Allah so banne faveurs. Si le monde pas comprend ça,pour continuer ena la guerre, et de temps en temps Allah pour faire banne dimounes gagne ene choc.
Donc aujourd’hui jour solution a ça banne quiquechose la, li trouve avec banne croyants. Avace banne Musulmans et banne pays Musulmans Allah dire qui O banne qui fine amene Imaan,pas mange interet et gagne crainte d’Allah afin qui zotte gagne succès. Donc pour gagne victoire besoin ena takwa, et qui Allah faire qui ça takwa la le monde musulman gagne ça, surtout banne pays musulmans riche qui fine place zotte banne l’argent pour gagne l’interet. Mais pour ça, besoin écoute Allah so la voix, ce qui fine arrive jusqu’a nous a travers so Massih et Mahdi. Sans ça pas pour ena aucun déliverance, pena aucun guarantie.

H.Massih Maoud a.s dire qui en ce moment banne dimounes pe cherche de l’eau spirituelle. La terre fine mort completement, banne la jungle et banne ocean fine deteriorer, avec la jungle veut dire banne incroyants, et idolatres comment dire dans chaque çategorie de banne humains fine ena comme ene desordre.corruption Dans n’importe qui aspet qui ou guetter, la situation du monde fine changer, nepli ena spiritualité et ni nous trouve so banne qualities,tout tipti et grand zotte faible dans banne haute qualite morale, partout nena que de desordres,c’est pourquoi qui li neçessaire maintenant qui gagne ça de l’eau spirituel la du ciel, et banne le coeurs gagne éclairage. Remercier Allah, li fine envoye so lumière, mais tres peu est banne qui tire profit de ça lumiere la.

Qui Allah donne l’ocçasion au monde pour vine dans ça cercle de lumiere la afin qui ça desordre dans lequel le monde pe trouve li a çause so desobeissance avec Allah, zotte çapave sapper avec ça. parcequi maintenant c’est ça même ene façon pour faire reconnaitre Allah qui pour faire ene dimoune vine ene vrai serviteur d’Allah, qui pour faire ene dimoune vine obeisant envers H.Mohammad s.a.w. Qui Allah faire qui le monde comprend ça banne points important la. Ameen.